Bìoball air-loidhne

Si-phian 63 - 現代台語譯本羅馬字版

Khat-bō͘ Siōng-tè
Tāi-pi̍t tī Iû-tāi khòng-iá ê sî chòe ê si.

¹ Siōng-tè ah, lí sī góa ê Siōng-tè, góa pek-chhiat tui-chhē lí; chhin-chhiūⁿ tōe khòng-hān bô chúi, góa ê sim-sîn chhùi-ta khat-bō͘ lí; góa ê jio̍k-thé him-bō͘ lí kàu beh hūn--khì.

² Só͘-í góa tī sèng-só͘ chhē lí, ài khòaⁿ lí ê koân-lêng kap êng-kng.

³ Góa ê chhùi-tûn beh siōng-chàn lí, in-ūi lí ê chû-ài pí sìⁿ-miā khah hó.

⁴ Góa beh chi̍t-sì-lâng chheng-chàn lí, beh gia̍h-chhiú kiû-kiò lí ê miâ.

⁵ Góa ê sim-sîn ōe boán-chiok, chhin-chhiūⁿ hióng-siū hong-sēng ê iàn-se̍k; góa mā beh ēng hoaⁿ-hí ê chhùi-tûn chhiùⁿ-koa siōng-chàn lí.

⁶ Góa tó tī bîn-chhn̂g kì-liām lí, mî--sî ta̍k-kiⁿ mā siàu-liām lí.

⁷ In-ūi lí ū pang-chān góa, góa beh tī lí ê si̍t-kó͘-ē hoaⁿ-hí chhiùⁿ-koa.

⁸ Góa tè lí tè-tiâu-tiâu; lí ê chiàⁿ-chhiú hû-chhî góa.

⁹ M̄-kú siàu-siūⁿ góa sìⁿ-miā ê lâng, in ōe hām-lo̍h tī tōe-ē siōng-chhim ê só͘-chāi.

¹⁰ In ōe hō͘ to-kiàm thâi, hō͘ chhâi-lông chia̍h.

¹¹ Chóng-sī ông ōe in-ūi Siōng-tè lâi hoaⁿ-hí; só͘-ū kí I chiù-chōa ê lâng ōe in-ūi I lâi khoa-kháu; m̄-kú kóng pe̍h-chha̍t ê chhùi ōe siū that-ba̍t.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan