Bìoball air-loidhne

Si-phian 61 - 現代台語譯本羅馬字版

Kî-kiû Pó-hō͘
Tāi-pi̍t ê si, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.

¹ Siōng-tè ah, kiû lí thiaⁿ góa ê kiû-kiò, àⁿ-lo̍h thiaⁿ góa ê kî-tó.

² Góa sim sit-chì ê sî, beh tùi tōe ê chīn-thâu kiû-kiò lí. Kiû lí chhōa góa kàu pí góa khah koân ê chio̍h-pôaⁿ.

³ In-ūi lí sī góa ê pī-lān-só͘, chòe góa kian-kò͘ ê pó-lúi thang tí-khòng tùi-te̍k.

⁴ Góa beh éng-oán tòa tī lí ê pò͘-pîⁿ, bih tī lí ê si̍t-kó͘-ē.

⁵ Siōng-tè ah, góa só͘ hē ê goān lí ū thiaⁿ--kìⁿ; lí ū chiong sán-gia̍p sù hō͘ kèng-ùi lí ê lâng.

⁶ Lí beh ke-thiⁿ ông ê hè-siū, hō͘ i ê nî-hè kàu sè-sè-tāi-tāi.

⁷ Goān i tī Siōng-tè bīn-chêng kú-tn̂g chiáng-koân; goān lí ēng chû-ài kap sìn-si̍t pó-hō͘ i.

⁸ Án-ni, góa beh put-sî chhiùⁿ-koa chheng-chàn lí ê miâ, ji̍t-ji̍t siā góa ê goān.

The Bible Society in Taiwan

Lean sinn:

Ceanglaichean taic

Sanasan