Bìoball air-loidhne

Si-phian 60 - 現代台語譯本羅馬字版

Ūi-tio̍h Sèng-lī Kî-tó
Tāi-pi̍t kap Bí-soh-put-ta̍t-bí-a, í-ki̍p Só-pa ê A-lân-lâng kau-chiàn ê sî, Iok-ap tò-lâi Iâm ê Soaⁿ-kok, thâi-sí Í-tong-lâng chi̍t-bān nn̄g-chheng. Hit-sî Tāi-pi̍t chòe chit-siú kim-si, hō͘ lâng ha̍k-si̍p; kau hō͘ sèng-ga̍k-tiúⁿ; tiāu, ēng “Kiàn-chèng ê Pek-ha̍p-hoe”.

¹ Siōng-tè ah, lí ū khì-sak goán, phah-chhùi goán; lí ū tùi goán siū-khì, taⁿ kiû lí koh tńg-lâi goán chia.

² Lí kā tōe iô tín-tāng, hō͘ i li̍h--khui; kiû lí siu-pó͘ i ê li̍h-hûn, in-ūi tōe iáu-teh tín-tāng.

³ Lí ū hō͘ lí ê chú-bîn tú-tio̍h khó͘-lān, ū hō͘ goán lim hō͘ lâng tian-lâi-tian-khì ê chiú.

⁴ Lí ūi-tio̍h kèng-ùi lí ê lâng ia̍t tōa-kî, tiàu-chi̍p in, hō͘ in thoat-lī keng-chìⁿ ê kong-kek.

⁵ Kiû lí hôe-èng goán, ēng lí tōa koân-lêng ê chhiú chín-kiù goán, hō͘ lí só͘ thiàⁿ ê lâng tit-tio̍h kái-kiù.

⁶ Siōng-tè tī I ê sèng-só͘ kóng, “Góa tōa sèng-lī lah! Góa beh hun-koah Sī-kiàm, hun-phòe So͘-kat ê soaⁿ-kok.

⁷ Ki-lia̍t sī góa ê, Má-ná-se mā sio̍k góa; Í-hoat-liân sī góa ê thâu-khoe; Iû-tāi sī góa koân-pèng ê koáiⁿ.

⁸ Mô͘-ap chòe góa ê e̍k-phûn; góa hiat góa ê ôe tī Í-tong, ǹg Hui-lī-sū hoah sèng-lī ê siaⁿ.”

⁹ Siáⁿ-lâng beh chhōa góa ji̍p-khì kian-kò͘ ê siâⁿ? Siáⁿ-lâng beh chhōa góa ji̍p-khì Í-tong ê tōe?

¹⁰ Siōng-tè ah, lí kiám ū khì-sak goán? Siōng-tè ah, lí kiám bōe koh kap goán ê kun-tūi tàu-tīn chhut-cheng?

¹¹ Kiû lí oān-chō͘ goán kong-kek tùi-te̍k, in-ūi lâng ê pang-chān bōe-khò--tit.

¹² Khò Siōng-tè goán chiah ōe tek-sèng; I ōe phah-pāi goán ê tùi-te̍k.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan