Bìoball air-loidhne

Si-phian 6 - 現代台語譯本羅馬字版

Kî-kiû Pó-hō͘ ê Chá-tó
Tāi-pi̍t ê si, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu; tiāu, kàng poeh tō͘.

¹ Siōng Chú ah, kiû lí m̄-thang siū-khì chek-pī góa, m̄-thang hoat tōa siū-khì chek-hoa̍t góa.

² Siōng Chú ah, kiû lí khó-lîn góa, in-ūi góa soe-lám; Siōng Chú ah, kiû lí i-tī góa, in-ūi góa ê kut-thâu gi̍h-gi̍h-chùn.

³ Góa ê sim hui-siông kiaⁿ-hiâⁿ; Siōng Chú ah, lí tī-sî chiah beh kiù góa?

⁴ Siōng Chú ah, kiû lí oa̍t tò-tńg lâi kiù góa ê sìⁿ-miā, kiû lí in-ūi lí ê chû-ài, chín-kiù góa.

⁵ In-ūi sí-lâng bōe kì-liām lí; tī Im-hú, siáⁿ-lâng ōe kám-siā lí?

⁶ Góa in-ūi haiⁿ-haiⁿ-chhan ià-siān; góa ta̍k-mî lâu ba̍k-sái im góa ê bîn-chhn̂g, sip-tâm góa ê chhn̂g-pho͘.

⁷ Góa in-ūi iu-būn ba̍k-chiu phah-pháiⁿ, in-ūi tùi-te̍k chōe, ba̍k-chiu hoe.

⁸ Lín chòe pháiⁿ ê lâng lóng tio̍h lī-khui góa, in-ūi Siōng Chú ū thiaⁿ-kìⁿ góa thî-khàu ê siaⁿ.

⁹ Siōng Chú ū thiaⁿ góa ê khún-kiû; Siōng Chú beh chiap-la̍p góa ê kî-tó.

¹⁰ Góa ê tùi-te̍k lóng ōe kiàn-siàu tōa kiaⁿ-hiâⁿ; in ōe hut-jiân kiàn-siàu thiat-thè.

The Bible Society in Taiwan

Lean sinn:

Ceanglaichean taic

Sanasan