Bìoball air-loidhne

Si-phian 57 - 現代台語譯本羅馬字版

Kiû Pang-chān ê Kî-tó
Tāi-pi̍t siám-pī Sò-lô, bih tī tōng-lāi ê sî chòe chit-siú kim-si, kau hō͘ sèng-ga̍k-tiúⁿ; tiāu, ēng “M̄-thang Húi-hoāi”.

¹ Siōng-tè ah, kiû lí khó-lîn góa, khó-lîn góa; góa beh bih tī lí hia, bih tī lí si̍t-kó͘ ê pó-hō͘-ē, thèng-hāu chai-lān lóng kè--khì.

² Góa beh kiû-kiò Chì-koân ê Siōng-tè, ta̍k-hāng sū lóng kā góa oân-sêng ê Siōng-tè.

³ Siōng-tè ōe tùi thiⁿ si-un kiù góa, hō͘ thún-ta̍h góa ê lâng sit-pāi kiàn-siàu. Siōng-tè ōe tùi góa si-lo̍h chû-ài kap sìn-si̍t.

⁴ Góa tó tī hiong-ok ê lâng tiong-kan, in chhin-chhiūⁿ sai tng-tán beh thun-chia̍h lâng; in ê chhùi-khí chhin-chhiūⁿ chhiuⁿ, chhin-chhiūⁿ chìⁿ, in ê chi̍h chhin-chhiūⁿ lāi ê to.

⁵ Siōng-tè ah, goān lí ê úi-tāi pôaⁿ-kè thiⁿ, lí ê êng-kng piàn-chiò choân-tōe.

⁶ In tī góa ê kha-chêng siat lô-bāng, beh hō͘ góa khut-ho̍k; tī góa ê bīn-chêng khui hām-khiⁿ, ka-kī tian-tò poa̍h-lo̍h hit lāi-bīn.

⁷ Siōng-tè ah, góa ê sim pêng-chēng, góa ê sim kian-tēng; góa beh gîm-si, góa beh chhiùⁿ-koa chheng-chàn.

⁸ Góa ê sim-sîn ah, tio̍h chhíⁿ--khí-lâi! Khîm ah, sek ah, tio̍h chhíⁿ--khí-lâi! Góa beh kā ji̍t-thâu kiò-chhíⁿ.

⁹ Chú ah, góa beh tī bān-bîn tiong kám-siā lí, tī lia̍t-pang tiong chhiùⁿ-koa chheng-chàn lí.

¹⁰ Lí ê chû-ài ná thiⁿ hiah-ni̍h koân; lí ê sìn-si̍t thàu kàu kiong-chhong.

¹¹ Siōng-tè ah, goān lí ê úi-tāi pôaⁿ-kè thiⁿ; goān lí ê êng-kng piàn-chiò choân-tōe.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan