Bìoball air-loidhne

Si-phian 54 - 現代台語譯本羅馬字版

Kî-kiû Pó-hō͘
Se-hut-lâng lâi tùi Sò-lô kóng: Tāi-pi̍t kiám m̄-sī bih tī goán hia? Hit-sî Tāi-pi̍t chòe chit-siú kà-sī ê si, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.

¹ Siōng-tè ah, kiû lí in-ūi lí ê miâ chín-kiù góa, ēng lí ê koân-pèng thòe góa sin-oan.

² Siōng-tè ah, kiû lí thiaⁿ góa ê kî-tó, àⁿ hī-khang thiaⁿ góa só͘ kóng ê ōe.

³ In-ūi siⁿ-hūn-lâng khí-lâi kong-kek góa, chân-jím ê lâng siàu-siūⁿ góa ê sìⁿ-miā; in gán-tiong bô Siōng-tè.

⁴ Siōng-tè khak-si̍t sī góa ê pang-chān; Chú sī góa ê pó-hō͘-chiá.

⁵ Kiû lí ēng góa ê tùi-te̍k tùi góa só͘ chòe ê pháiⁿ kā in pò-èng, chiàu lí ê sìn-si̍t kā in húi-bia̍t.

⁶ Góa beh kam-sim lo̍k-ì hiàn chè-mi̍h hō͘ lí; Siōng Chú ah, góa beh kám-siā chheng-chàn lí ê miâ, in-ūi lí sī hó.

⁷ Lí ū kiù góa thoat-chhut it-chhè ê hoān-lān; góa ū chhin-ba̍k khòaⁿ-tio̍h góa ê tùi-te̍k bia̍t-bông.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan