Bìoball air-loidhne

Si-phian 52 - 現代台語譯本羅馬字版

Siōng-tè ê Sím-phòaⁿ kap Un-hūi
Í-tong-lâng To-ek lâi pò Sò-lô kóng: Tāi-pi̍t ū khì A-hi-bí-le̍k ê ke. Hit-sî Tāi-pi̍t chòe chit-siú kà-sī ê si, kau hō͘ sèng-ga̍k-tiúⁿ.

¹ Ū koân-le̍k ê lâng ah, sī-án-chóaⁿ lí kui-ji̍t ūi-tio̍h chòe pháiⁿ-tāi teh khoa-kháu? Siōng-tè ê chû-ài éng-oán chûn-sio̍k.

² Lí chè-chō sī-hui tô͘-bô͘ húi-hoāi; lí ê chi̍h chin lāi, chhin-chhiūⁿ thì-thâu-to.

³ Lí ài pháiⁿ iâⁿ-kè hó, ài pe̍h-chha̍t iâⁿ-kè kóng gī-lí.

⁴ Khi-phiàn ê lâng ah, lí ài kóng it-chhè thun-chia̍h lâng ê ōe.

⁵ Siōng-tè ōe lia̍h lí, tùi pò͘-pîⁿ kā lí thoa--chhut-lâi, tùi oa̍h-lâng ê tōe kā lí pu̍ih--khí-lâi. I ōe éng-oán kā lí húi-bia̍t.

⁶ Gī ê lâng khòaⁿ--tio̍h ōe kiaⁿ-ùi, thí-chhiò lí, kóng,

⁷ “Lí khòaⁿ leh, che chiū-sī bô óa-khò Siōng-tè, chí-ū óa-khò ka-kī châi-hù ê lâng; i óa-khò--ê hoán-tńg tì-kàu ka-kī húi-bia̍t.”

⁸ M̄-kú góa, chhin-chhiūⁿ Siōng-tè tiān-lāi chhiⁿ-chhùi ê kaⁿ-ná-chhiū, beh éng-éng-oán-oán óa-khò Siōng-tè ê chû-ài.

⁹ In-ūi lí án-ni tùi-thāi góa, góa beh éng-oán kám-siā lí. Góa beh tī lí sèng ê chú-bîn bīn-chêng gióng-bōng lí ê miâ; in-ūi lí ê miâ chin hó.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan