Bìoball air-loidhne

Si-phian 51 - 現代台語譯本羅馬字版

Kî-kiû Sià-bián
Tāi-pi̍t kap Poa̍t-sī-pa tâng-pâng í-āu, sian-ti Ná-tan lâi kìⁿ i, i chòe chit-siú si, kau hō͘ sèng-ga̍k-tiúⁿ.

¹ Siōng-tè ah, lí ê thiàⁿ bōe kái-piàn, kiû lí lîn-bín góa! Lí ū hong-hù ê chû-ài, kiû lí chhat-siau góa ê chōe-kò!

² Kiû lí sóe-tû góa it-chhè ê chōe, sóe-chheng góa ê chōe-ok.

³ Góa chai ka-kī ê kè-sit; góa ê chōe-ok put-sî tī góa ê ba̍k-chiu chêng.

⁴ Góa ū tek-chōe lí, góa tek-chōe--ê sī lí; góa ū chòe lí khòaⁿ-chòe siâ-ok ê tāi-chì. Só͘-í, góa siū lí sím-phòaⁿ sī tong-jiân, siū lí chek-hoa̍t sī eng-kai.

⁵ Góa tī bú-thai chiū ū chōe, chhut-sì hit-ji̍t chiū-sī chōe-jîn.

⁶ Lí ì-ài--ê sī lāi-sim sêng-si̍t; kiû lí kà-sī góa, hō͘ góa sim-lāi ū chin-chiàⁿ ê tì-hūi.

⁷ Kiû lí sóe-tû góa ê chōe, hō͘ góa chheng-khì; kiû lí kā góa sóe chheng-khì, hō͘ góa pí seh khah pe̍h.

⁸ Kiû lí hō͘ góa thiaⁿ-kìⁿ hoaⁿ-hí khoài-lo̍k ê siaⁿ, hō͘ lí phah-chhùi ê kut-thâu koh-chài hoaⁿ-hí khoài-lo̍k.

⁹ Kiû lí bīn oa̍t-cháu bô khòaⁿ góa ê chōe; kiû lí chhat-siau góa it-chhè ê chōe-ok.

¹⁰ Siōng-tè ah, kiû lí ūi góa chhòng-chō sûn-kiat ê sim; kiû lí sù góa sin koh tiong-sêng ê sim-lêng.

¹¹ M̄-thang kóaⁿ góa lī-khui lí ê bīn-chêng; m̄-thang tùi góa siu-hôe lí sèng ê sîn.

¹² Kiû lí hō͘ góa têng-sin hióng-siū lí kiù-un ê hoaⁿ-hí, hō͘ góa ê sim-lêng goān-ì sūn-ho̍k lí.

¹³ Góa beh chiong lí ê tō-lō͘ chí-sī hoān kè-sit ê lâng, hō͘ chōe-jîn thang kui-ǹg lí.

¹⁴ Chín-kiù góa ê Siōng-tè ah, kiû lí bián-tû góa ê sí-chōe, hō͘ góa thang tōa-siaⁿ chheng-chàn lí ê chín-kiù.

¹⁵ Chú ah, kiû lí khui góa ê chhùi; góa beh chheng-chàn lí.

¹⁶ Lí bô ài seng-lé, nā ài, góa hoaⁿ-hí hiàn; góa nā hiàn sio-hòa-chè, lí mā bô hoaⁿ-hí.

¹⁷ Siōng-tè ah, lí só͘ ài ê chè sī thòng-hóe ê sim-lêng; iu-siong thòng-hóe ê sim, lí hoaⁿ-hí chiap-la̍p.

¹⁸ Siōng-tè ah, kiû lí ēng chû-ài hó khoán-thāi Sek-an, tiông-kiàn Iâ-lō͘-sat-léng ê siâⁿ-chhiûⁿ.

¹⁹ Hit-sî, lí beh chiap-la̍p ha̍p-gî ê seng-lé, choân hù ê sio-hòa-chè; lâng beh chiong gû-káng hiàn tī lí ê chè-tôaⁿ.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan