Si-phian 47 - 現代台語譯本羅馬字版

Chheng-chàn Chì-koân ê Siōng Chú
Khó-la hō͘-tāi ê si, kau hō͘ sèng-ga̍k-tiúⁿ.

¹ Bān-bîn ah, lín lóng tio̍h phah-pho̍k-á; tio̍h ēng hoaⁿ-hí ê siaⁿ tōa-siaⁿ tùi Siōng-tè hoan-ho͘.

² Siōng Chú — Chì-koân ê Siōng-tè eng-kai siū kèng-ùi; I sī tōa Kun-ông, thóng-tī choân-tōe.

³ I hō͘ bān-bîn hâng-ho̍k goán, hō͘ lia̍t-pang khut-ho̍k tī goán kha-ē.

⁴ I ūi-tio̍h goán kéng èng-ún ê thó͘-tōe, chòe I só͘ thiàⁿ ê chú-bîn khoa-iāu ê sán-gia̍p.

⁵ Siōng-tè chiūⁿ-khì chē pó-chō, bān-bîn tōa-siaⁿ hoan-ho͘; Siōng Chú chiūⁿ-khì chē ông-ūi, sàu-kak lóng tōa tân.

⁶ Lín tio̍h chhiùⁿ-koa chheng-chàn Siōng-tè, chhiùⁿ-koa chheng-chàn; tio̍h chhiùⁿ-koa o-ló lán ê Ông, chhiùⁿ-koa o-ló.

⁷ Siōng-tè sī choân-tōe ê Ông, tio̍h ēng si-koa chheng-chàn I.

⁸ Siōng-tè chē tī sèng ê pó-chō; Siōng-tè choh-ông thóng-tī bān-kok.

⁹ Lia̍t-pang ê kùi-cho̍k chū-chi̍p, beh chòe A-pek-la-hán ê Siōng-tè ê chú-bîn; in-ūi tōe-chiūⁿ ê kun-ông lóng kui-sio̍k I. Siōng-tè tōa-tōa siū chun-chông!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan