Bìoball air-loidhne

Si-phian 43 - 現代台語譯本羅馬字版

Liû-bông-chiá ê Kî-tó

¹ Siōng-tè ah, kiû lí chú-chhî kong-tō, tùi bô kèng-ùi lí ê kok thòe góa sin-oan; kiû lí kiù góa thoat-lī kan-chà put-gī ê lâng.

² Lí sī góa ê Siōng-tè, góa ê pó-lúi; lí sī-án-chóaⁿ pàng-sak góa? Góa sī-án-chóaⁿ tio̍h in-ūi tùi-te̍k ê ap-pek pi-siong kiâⁿ-lâi-kiâⁿ-khì?

³ Kiû lí hián-chhut lí ê kng kap chin-si̍t lâi ín-chhōa góa, chhōa góa khì lí ê sèng-soaⁿ, kàu lí ê hōe-bō͘.

⁴ Góa chiū lâi Siōng-tè ê chè-tôaⁿ, kàu góa ke̍k-tōa hoaⁿ-hí ê Siōng-tè hia. Siōng-tè, góa ê Siōng-tè ah, góa beh tôaⁿ-khîm chheng-chàn lí.

⁵ Góa ê sim ah, lí sī-án-chóaⁿ ut-chut, sī-án-chóaⁿ tī góa lāi-bīn haiⁿ-haiⁿ-chhan? Tio̍h gióng-bōng Siōng-tè; góa iáu-kú beh chheng-chàn I, in-ūi I sī góa ê Chín-kiù-chiá, góa ê Siōng-tè.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan