Bìoball air-loidhne

Si-phian 30 - 現代台語譯本羅馬字版

Kám-un ê Si
Tāi-pi̍t ê si, hiàn sèng-tiān á-sī kiong-tiān ê koa.

¹ Siōng Chú ah, góa beh chun lí chòe chì-koân, in-ūi lí ū thê-poa̍t góa, bô hō͘ góa ê tùi-te̍k tùi góa khoa-kháu.

² Siōng Chú — góa ê Siōng-tè ah, góa kiû-kiò lí, lí ū i-hó góa.

³ Siōng Chú ah, lí tùi Im-hú kā góa khiú--chhut-lâi; lí hō͘ góa oa̍h--teh, bián ji̍p bōng-khòng-khang.

⁴ Siōng Chú sèng ê chú-bîn ah, lín tio̍h chhiùⁿ-koa o-ló I, chheng-chàn I ê sèng-miâ.

⁵ I ê siū-khì chí-ū chi̍t-sî-á-kú; I ê un-tián kàu chi̍t-sì-lâng. Sui-jiân kui-mî ū thî-khàu, thiⁿ chi̍t-ē kng chiū ū hoaⁿ-hí.

⁶ Tī góa sūn-lī ê sî, góa bat kóng, “Góa éng-oán bōe tōng-iâu.”

⁷ Siōng Chú ah, lí si-un, hō͘ góa chhin-chhiūⁿ soaⁿ khiā-chāi-chāi; lí bīn oa̍t-cháu m̄ khòaⁿ góa, góa chiū kiaⁿ-hiâⁿ.

⁸ Siōng Chú ah, góa kiû-kiò lí; góa tùi Siōng Chú kiû lîn-bín, kóng,

⁹ “Góa sí, ji̍p bōng, ū siáⁿ lī-ek? Thô͘-hún kiám ōe chheng-chàn lí, kiám ōe pò-iông lí ê sìn-si̍t?”

¹⁰ Siōng Chú ah, kiû lí thiaⁿ góa, lîn-bín góa; Siōng Chú ah, kiû lí pang-chān góa.

¹¹ Lí ū chiong góa ê thî-khàu pìⁿ-chòe thiàu-bú, chiong góa ê môa-saⁿ thǹg--khí-lâi, ēng hoaⁿ-hí chòe tòa kā góa hâ.

¹² Án-ni góa ê sim-sîn chiū bōe tiām-tiām, ōe chhiùⁿ-koa chheng-chàn lí; Siōng Chú — góa ê Siōng-tè ah, góa beh éng-oán kám-siā lí.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan