Si-phian 3 - 現代台語譯本羅馬字版

Kiû Siōng-tè Pang-chān ê Chá-tó
Tāi-pi̍t tô-siám i ê kiáⁿ Ap-sa-liông ê sî chòe ê si.

¹ Siōng Chú ah, góa ê tùi-te̍k ná hiah chōe! Hiah chōe lâng khí-lâi kong-kek góa.

² In tùi góa kóng, “Siōng-tè bōe pang-chān lí.”

³ M̄-kú, Siōng Chú, lí sī pó-hō͘ góa ê tún-pâi, góa ê êng-kng; lí hō͘ góa ê thâu-khak gia̍h ōe khí--lâi.

⁴ Góa chhut-siaⁿ kiû-kiò Siōng Chú; I ōe tùi I ê sèng-soaⁿ ìn góa.

⁵ Góa tó--teh, góa teh khùn, góa cheng-sîn, Siōng Chú lóng teh pó-hō͘ góa.

⁶ Chiū-sī-kóng ū chheng-bān lâng pau-ûi kong-kek góa, góa mā m̄ kiaⁿ.

⁷ Siōng Chú ah, kiû lí khí--lâi; góa ê Siōng-tè ah, kiû lí chín-kiù góa. In-ūi lí ū siàn góa tùi-te̍k ê chhùi-phóe, ū kòng-tn̄g pháiⁿ-lâng ê chhùi-khí.

⁸ Chín-kiù tùi Siōng Chú lâi; goān lí sù-hok hō͘ lí ê chú-bîn.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan