Si-phian 23 - 現代台語譯本羅馬字版

Siōng Chú Sī Góa ê Bo̍k-chiá
Tāi-pi̍t ê si.

¹ Siōng Chú sī góa ê bo̍k-chiá, góa bô khiàm pòaⁿ-hāng.

² I hō͘ góa tó tī chhiⁿ-chhùi ê chháu-po͘, chhōa góa kàu chheng-chēng ê chúi-piⁿ.

³ I hō͘ góa sin ê khùi-la̍t, ūi-tio̍h I ê miâ chhōa góa kiâⁿ chèng-ti̍t ê lō͘.

⁴ Góa sui-jiân keng-kè sí-ìm ê soaⁿ-kok, mā m̄ kiaⁿ chai-hāi, in-ūi lí kap góa tông-chāi; lí ê kùn, lí ê koáiⁿ hō͘ góa an-ún chū-chāi.

⁵ Tī góa tùi-te̍k ê bīn-chêng, lí ūi-tio̍h góa pâi-siat iàn-se̍k; lí ēng iû boah góa ê thâu-khak, khoán-thāi góa choh kùi-pin, thîn góa ê poe kàu móa--chhut-lâi.

⁶ Lí ê un-tián chû-ài it-tēng chi̍t-sì-lâng kap góa chòe phōaⁿ; góa beh éng-oán tòa tī Siōng Chú lí ê chhù.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan