Bìoball air-loidhne

Si-phian 21 - 現代台語譯本羅馬字版

Chhut-cheng ê Kî-tó
Tāi-pi̍t ê si, kau hō͘ sèng-ga̍k-tiúⁿ.

¹ Siōng Chú ah, ông ōe in-ūi lí hō͘ i ê khùi-la̍t hoaⁿ-hí, ōe in-ūi lí hō͘ i ê sèng-lī hui-siông khoài-lo̍k!

² I ê sim ì-ài--ê, lí í-keng ū hō͘ i; i ê chhùi só͘ kiû--ê, lí lóng ū tah-èng.

³ In-ūi lí ēng tōa hok-khì teh gêng-chiap i, ēng sûn-kim ê ông-koan tì tī i ê thâu-khak.

⁴ I tùi lí kiû oa̍h-miā, lí ū hō͘ i, hō͘ i ê hè-siū kú-kú-tn̂g-tn̂g.

⁵ I in-ūi lí hō͘ i ê sèng-lī tit-tio̍h tōa êng-kng; lí chiong chun-kùi ui-giâm sù hō͘ i.

⁶ Lí hō͘ i ū tōa hok-khì kàu éng-oán, hō͘ i tī lí ê bīn-chêng hoaⁿ-hí khoài-lo̍k.

⁷ In-ūi ông óa-khò Siōng Chú, koh in-ūi Chì-koân Siōng-tè ê chû-ài, i ê ông-ūi éng-oán ún-kò͘.

⁸ Ông ê chhiú ōe lia̍h-tio̍h it-chhè ê tùi-te̍k; i ê chiàⁿ-chhiú ōe lia̍h-tio̍h só͘-ū oàn-hūn i ê lâng.

⁹ I chi̍t-ē chhut-hiān, ōe chhin-chhiūⁿ iām-jia̍t ê hé-lô͘ kā in sio-bia̍t. Siōng Chú ah, lí chi̍t-ē chhut-hiān, beh tī tōa siū-khì tiong kā in thun--lo̍h-khì, beh ēng hé kā in sio-bia̍t.

¹⁰ In ê kiáⁿ-sun ōe tùi tōe-chiūⁿ siū châu-bia̍t; in ê hō͘-tāi ōe tùi lâng ê tiong-kan siau-sit.

¹¹ In beh ēng im-bô͘ hām-hāi ông, m̄-kú in ê kè-bô͘ bōe sêng-kong.

¹² Lí beh hō͘ in oa̍t-tńg-sin tô-cháu, beh khui keng siā in.

¹³ Siōng Chú ah, khí--lâi, hián-sī lí ê khùi-la̍t; goán beh gîm-si chheng-chàn lí ê tōa koân-lêng.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan