Bìoball air-loidhne

Si-phian 20 - 現代台語譯本羅馬字版

Kî-kiû Siōng-tè
Tāi-pi̍t ê si, kau hō͘ sèng-ga̍k-tiúⁿ.

¹ Goān Siōng Chú tī hoān-lān ê ji̍t ìn-tap lí; goān Ngá-kok ê Siōng-tè kā lí khǹg tī koân ê só͘-chāi pó-hō͘ lí.

² Goān I tùi sèng-só͘ pang-chān lí, tùi Sek-an hû-chhî lí.

³ Goān I ōe-kì-tit lí it-chhè ê sò͘-chè, chiap-la̍p lí ê sio-hòa-chè.

⁴ Goān I chiàu lí ê sim só͘ ài sù hō͘ lí, sêng-choân lí it-chhè ê kè-ōe.

⁵ Goán beh in-ūi lí ê tek-sèng chhiùⁿ-koa; goán beh hōng Siōng-tè ê miâ khèng-chiok lí ê sèng-lī. Goān Siōng Chú sêng-choân lí it-chhè ê kî-kiû.

⁶ Taⁿ góa chai Siōng Chú ōe kiù I soán-li̍p ê ông, ōe tùi I sèng ê thiⁿ ìn-tap ông; ēng I chiàⁿ-chhiú ê khùi-la̍t hō͘ i tōa sèng-lī.

⁷ Ū lâng óa-khò chhia, ū lâng óa-khò bé; m̄-kú goán chí-ū beh khoa-kháu Siōng Chú — goán ê Siōng-tè ê miâ.

⁸ In ōe thâi-su tó--lo̍h-khì; goán ōe thâi-iâⁿ khiā-chāi-chāi.

⁹ Siōng Chú ah, kiû lí hō͘ goán ê ông sèng-lī; goán kiû-kiò ê sî, kiû lí ìn-tap.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan