Bìoball air-loidhne

Si-phian 2 - 現代台語譯本羅馬字版

Siōng Chú Soán-li̍p ê Ông

¹ Lia̍t-kok sī-án-chóaⁿ teh chō siaⁿ-sè? Bān-bîn sī-án-chóaⁿ kè-ōe khang-khang ê im-bô͘?

² Tōe-chiūⁿ ê kun-ông teh pâi-tīn, thóng-tī-chiá tàu-tīn kè-bô͘, beh tùi-khòng Siōng Chú kap I soán-li̍p ê ông.

³ In kóng, “Lán lâi kòng-chhùi ap-chè lán ê taⁿ, chhoah-tn̄g khún-pa̍k lán ê soh.”

⁴ Siōng Chú chē tī thiⁿ-téng teh chhiò, teh thí-chhiò in ê im-bô͘.

⁵ I siū-khì kā in kéng-kò, hoat sèng-tē hō͘ in kiaⁿ-hiâⁿ.

⁶ I kóng, “Tī góa ê sèng-soaⁿ Sek-an, góa í-keng siat-li̍p só͘ kéng-soán--ê choh-ông.”

⁷ Ông kóng, “Góa beh soan-kò Siōng Chú ê sèng-chí. I kā góa kóng, ‘Lí sī góa ê kiáⁿ, góa kin-á-ji̍t siⁿ lí.

⁸ Tùi góa kiû, góa chiū chiong lia̍t-kok hō͘ lí chòe léng-thó͘, chiong choân-tōe hō͘ lí chòe sán-gia̍p.

⁹ Lí beh ēng thih-koáiⁿ kā in kòng, chhin-chhiūⁿ kòng-chhùi hûi-khì.’”

¹⁰ Chèng kun-ông ah, tio̍h kín-sīn! Thóng-tī-chiá ah, tio̍h chiap-siū kéng-kài!

¹¹ Tio̍h ēng kèng-ùi ho̍k-sāi Siōng Chú, ēng kiaⁿ-hiâⁿ khut-ho̍k tī I kha-ē,

¹² chiah bián I khí sèng-tē, hō͘ lín tī lō͘-tiong bia̍t-bông, in-ūi I ōe sûi-sî hoat siū-khì. Chhē Siōng Chú chòe pī-lān-só͘ ê lâng chin ū hok-khì!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan