Bìoball air-loidhne

Si-phian 138 - 現代台語譯本羅馬字版

Kám-un ê Kî-tó
Tāi-pi̍t ê si.

¹ Góa beh choân-sim kám-siā lí, tī chèng sîn-bêng bīn-chêng chhiùⁿ-koa chheng-chàn lí.

² Góa beh ǹg lí ê sèng-tiān kūi-pài, beh in-ūi lí ê chû-ài kap sìn-si̍t chheng-chàn lí ê miâ; in-ūi lí hō͘ lí ê miâ kap lí ê ōe chhiau-oa̍t it-chhè.

³ Góa kiû-kiò ê sî lí ū ìn góa; lí ū kó͘-lē góa, hō͘ góa tit-tio̍h khùi-la̍t.

⁴ Siōng Chú ah, sè-chiūⁿ ê kun-ông lóng ōe kám-siā lí, in-ūi in ū thiaⁿ-kìⁿ lí só͘ kóng ê ōe.

⁵ In ōe chhiùⁿ-koa chheng-chàn Siōng Chú ê chok-ûi, in-ūi Siōng Chú ū tōa êng-kng.

⁶ Siōng Chú sui-jiân chun-kùi, iáu-kú khòaⁿ-kò͘ pi-chiān ê lâng; I tùi hn̄g-hn̄g chiū jīn-chhut kiau-ngō͘ ê lâng.

⁷ Góa sui-jiân hō͘ hoān-lān ûi-khùn, lí ōe pó-siú góa ê sìⁿ-miā; góa ê tùi-te̍k siū-khì, lí ōe chhun-chhiú tùi-hù, ēng chiàⁿ-chhiú kái-kiù góa.

⁸ Siōng Chú ōe si̍t-hiān tùi góa ê èng-ún. Siōng Chú ah, lí ê chû-ài éng-oán chûn-sio̍k. Lí chhin-chhiú só͘ chòe--ê, kiû lí m̄-thang hòng-khì.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan