Si-phian 137 - 現代台語譯本羅馬字版

Hu-ló͘ ê Ai-ko

¹ Goán chē tī Pa-pí-lûn ê hô-piⁿ, chi̍t-ē siūⁿ-tio̍h Sek-an, ba̍k-sái chiū lâu.

² Goán chiong khîm tiàu tī hia ê liú-chhiū.

³ Tī hia, lia̍h goán ê lâng kiò goán chhiùⁿ-koa; khó͘-chhó͘ goán ê lâng ài goán hō͘ in khoài-lo̍k, kóng, “Kā goán chhiùⁿ chi̍t tiâu Sek-an ê koa.”

⁴ Goán tī īⁿ-pang ná chhiùⁿ ōe chhut kèng-pài Siōng Chú ê si-koa?

⁵ Iâ-lō͘-sat-léng ah, góa nā bōe-kì-tit lí, tio̍h hō͘ góa ê chiàⁿ-chhiú khê--khì, bōe tôaⁿ-khîm.

⁶ Góa nā bōe-kì-tit lí, nā bô khòaⁿ Iâ-lō͘-sat-léng chòe góa ê tē-it hoaⁿ-hí, tio̍h hō͘ góa ê chi̍h liâm tī téng-kiuⁿ bōe chhiùⁿ-koa.

⁷ Iâ-lō͘-sat-léng lûn-hām ê ji̍t, Í-tong-lâng kóng, “Kā i thiah-húi! Kā i thiah-húi! Kā i thiah kàu tōe-ki!” Siōng Chú ah, kiû lí ōe-kì-tit hit-ji̍t.

⁸ Pa-pí-lûn-siâⁿ ah, lí eng-kai siū húi-bia̍t! Lí án-chóaⁿ tùi-thāi goán, hiah-ê chiàu án-ni tùi-thāi lí ê lâng ū hok-khì.

⁹ Lia̍h lí ê eⁿ-á siak tī chio̍h-pôaⁿ téng hit-khoán lâng ū hok-khì.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan