Bìoball air-loidhne

Si-phian 135 - 現代台語譯本羅馬字版

Chheng-chàn ê Si

^1-2 Ha-lé-lú-iah, chheng-chàn Siōng Chú! Tio̍h chheng-chàn Siōng Chú ê miâ! Lín chiah-ê tī Siōng Chú ê tiān teh sū-hōng, tī lán Siōng-tè sèng-tiān ê tiâⁿ teh sū-hōng ê po̍k-jîn ah, lín lóng tio̍h chheng-chàn I.

³ Tio̍h chheng-chàn Siōng Chú, in-ūi Siōng Chú chì-siān; tio̍h chhiùⁿ-koa o-ló I ê miâ, in-ūi I jîn-chû.

⁴ In-ūi Siōng Chú kéng-soán Ngá-kok kui-sio̍k I ka-kī, kéng Í-sek-lia̍t chòe I ê sán-gia̍p.

⁵ Góa chai Siōng Chú úi-tāi; lán ê Chú chhiau-oa̍t lóng-chóng ê sîn-bêng.

⁶ Siōng Chú tī thiⁿ-téng kap tōe-chiūⁿ, tī hái-tiong kap só͘-ū ê chhim-ian, lóng chiàu ka-kī ê ì-sù chòe tāi-chì.

⁷ I hō͘ hûn-bū tùi thiⁿ-piⁿ-hái-kak chhèng--chhut-lâi, hō͘ sih-nà tòa hō͘ chhut-hiān, hō͘ hong tùi I ê chhng-khò͘ chhe--chhut-lâi.

⁸ I chiong thâu-chiūⁿ-siⁿ ê Ai-ki̍p-lâng kap cheng-siⁿ lóng phah-sí.

⁹ Ai-ki̍p ah, I tī lín ê tiong-kan kiâⁿ sîn-jiah kî-sū, tùi-hù Hoat-ló kap i ê jîn-sîn.

¹⁰ I phah-pāi chin chōe pang-kok, phah-pāi kiông-béng ê kok-ông,

¹¹ chiū-sī A-mô͘-lī-ông Se-hông kap Pa-san-ông Go̍k, koh cheng-ho̍k Ka-lâm só͘-ū ê ông-kok.

¹² I chiong in ê thó͘-tōe hō͘ I ka-kī ê chú-bîn, hō͘ Í-sek-lia̍t chòe sán-gia̍p.

¹³ Siōng Chú ah, lí ê miâ lâu kàu éng-oán; Siōng Chú ah, bān sè-tāi ê lâng lóng ōe kì-liām lí,

¹⁴ in-ūi Siōng Chú beh ūi-tio̍h I ê chú-bîn sin-oan, beh lîn-bín I ê po̍k-jîn.

¹⁵ Gōa-pang ê ngó͘-siōng sī lâng ê chhiú ēng gûn, ēng kim só͘ chù-chō;

¹⁶ in ū chhùi, bōe kóng-ōe; ū ba̍k-chiu, mā bōe khòaⁿ--kìⁿ;

¹⁷ ū hī-khang, bōe thiaⁿ--kìⁿ; ū chhùi, mā bô khùi.

¹⁸ Chō in--ê, óa-khò in--ê, lóng kap in kâng-khoán.

¹⁹ Í-sek-lia̍t-ke ah, tio̍h chheng-chàn Siōng Chú. A-lûn chè-si ê ke ah, tio̍h chheng-chàn Siōng Chú.

²⁰ Lī-bī ê ke ah, tio̍h chheng-chàn Siōng Chú; kèng-ùi Siōng Chú ê lâng ah, tio̍h chheng-chàn Siōng Chú.

²¹ Siōng Chú khiā-khí tī Iâ-lō͘-sat-léng; goān I tùi Sek-an siū chheng-chàn. Ha-lé-lú-iah, chheng-chàn Siōng Chú!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan