Si-phian 130 - 現代台語譯本羅馬字版

Kî-kiû Siōng Chú Pang-chān
Peh-kiā chiūⁿ Iâ-lō͘-sat-léng ê si.

¹ Siōng Chú ah, góa tùi chhim-ian kiû-kiò lí.

² Chú ah, kiû lí thiaⁿ góa ê siaⁿ! Kiû lí àⁿ hī-khang thiaⁿ góa ê khún-kiû!

³ Siōng Chú ah, lí nā ōe-kì-tit lâng ê chōe-kò, Chú ah, sím-mi̍h-lâng khiā ōe tiâu?

⁴ Chóng-sī lí ōe sià-bián lâng, hō͘ lâng thang kèng-ùi lí.

⁵ Góa pek-chhiat thèng-hāu Siōng Chú; góa gióng-bōng lí ê ōe.

⁶ Góa ê sim-sîn thèng-hāu Chú, pí siú-bōng ê lâng thèng-hāu thiⁿ-kng koh-khah pek-chhiat, pí siú-bōng ê lâng thèng-hāu thiⁿ-kng koh-khah pek-chhiat.

⁷ Í-sek-lia̍t ah, tio̍h gióng-bōng Siōng Chú! In-ūi Siōng Chú ū put-piàn ê chû-ài; I ū kiù-sio̍k ê tōa koân-lêng.

⁸ Chí-ū I ōe kiù-sio̍k Í-sek-lia̍t thoat-lī in it-chhè ê chōe-kò!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan