Bìoball air-loidhne

Si-phian 13 - 現代台語譯本羅馬字版

Kiû Pang-chān ê Kî-tó
Tāi-pi̍t ê si, kau hō͘ sèng-ga̍k-tiúⁿ.

¹ Siōng Chú ah, lí bōe-kì-tit góa beh jōa kú? Kàu éng-oán sī--bô? Lí bīn oa̍t-cháu m̄ khòaⁿ góa beh jōa kú?

² Góa jím-siū khó͘-thàng, kui-ji̍t sim iu-siong tio̍h kàu jōa kú? Góa ê tùi-te̍k ko-seng iâⁿ-kè góa tio̍h kàu jōa kú?

³ Siōng Chú — góa ê Siōng-tè ah, kiû lí khòaⁿ-kò͘ góa, ìn-tap góa, hō͘ góa ê ba̍k-chiu kim-kim, chiah bián góa khùn kàu sí--khì,

⁴ chiah bián góa ê tùi-te̍k kóng “Góa khah iâⁿ i”, chiah bián góa ê te̍k-jîn tī góa sit-pāi ê sî hoaⁿ-hí.

⁵ M̄-kú góa óa-khò lí ê chû-ài; góa ê sim in-ūi lí ê chín-kiù khoài-lo̍k.

⁶ Góa beh chhiùⁿ-koa chheng-chàn Siōng Chú, in-ūi I ēng hong-sēng ê un-tián tùi-thāi góa.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan