Si-phian 129 - 現代台語譯本羅馬字版

Kiû Siōng Chú Phah-pāi Tùi-te̍k
Peh-kiā chiūⁿ Iâ-lō͘-sat-léng ê si.

¹ Í-sek-lia̍t tio̍h kóng, “Tùi góa sòe-hàn ê sî, tùi-te̍k siông-siông khó͘-chhó͘ góa.

² Tùi góa sòe-hàn ê sî, tùi-te̍k siông-siông khó͘-chhó͘ góa, m̄-kú in m̄-bat iâⁿ góa.

³ Lôe-chhân ê lâng lôe góa ê ka-chiah-phiaⁿ, lôe--kè ê hûn-jiah chin tn̂g.”

⁴ Siōng Chú kong-gī; I ū chām-tn̄g pháiⁿ-lâng pa̍k lán ê soh.

⁵ Goān só͘-ū oàn-hūn Sek-an ê lâng lóng siū phah-pāi kiàn-siàu.

⁶ Goān in chhin-chhiūⁿ chhù-téng ê chháu, iáu-bē tōa-châng chiū ta--khì,

⁷ koah--ê koah bô kui-pé, hâ--ê hâ bô kui-lám.

⁸ Kè-lō͘ ê lâng bô lâng ōe kóng, “Goān Siōng Chú sù lín hok-khì! Goán hōng Siōng Chú ê miâ kā lín chiok-hok.”

The Bible Society in Taiwan

Lean sinn:

Ceanglaichean taic

Sanasan