Bìoball air-loidhne

Si-phian 127 - 現代台語譯本羅馬字版

Sìn-khò Siōng Chú ê Koàn-kò͘
Peh-kiā chiūⁿ Iâ-lō͘-sat-léng ê si; Só͘-lô-bûn só͘ chòe.

¹ Chhù-the̍h nā m̄-sī Siōng Chú kiàn-chō, kiàn-chō ê lâng chiū khang-khang lô-khó͘. Siâⁿ nā m̄-sī Siōng Chú kò͘-siú, siú-bōng ê lâng chiū pe̍h-pe̍h kéng-séng.

² Lín chá-chá khí--lâi, òaⁿ-òaⁿ chiah khùn, thoa-bôa thàn-chia̍h mā bô-chhái-kang. Siōng Chú só͘ thiàⁿ ê lâng, I hō͘ in hó khùn.

³ Kiáⁿ-jî sī Siōng Chú só͘ sù ê sán-gia̍p, eⁿ-á sī I ê pò-siúⁿ.

⁴ Siàu-liân ê sî siⁿ ê kiáⁿ-jî chhin-chhiūⁿ ióng-sū chhiú-tiong ê chìⁿ.

⁵ Chìⁿ-tē pá-pá ê lâng chin ū hok-khì! In tī siâⁿ-mn̂g-kháu kap tùi-te̍k cheng-piān lóng bōe tì-kàu kiàn-siàu.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan