Si-phian 125 - 現代台語譯本羅馬字版

Ūi Chú-bîn Kiû An-choân
Peh-kiā chiūⁿ Iâ-lō͘-sat-léng ê si.

¹ Óa-khò Siōng Chú ê lâng chhin-chhiūⁿ Sek-an-soaⁿ éng-oán kian-kò͘ bōe iô-choah.

² Chèng-soaⁿ pau-ûi Iâ-lō͘-sat-léng, Siōng chú mā án-ni pó-hō͘ I ê chú-bîn, tùi chit-sî kàu éng-oán.

³ Siâ-ok-chiá ê koân-pèng bōe kè-sio̍k koán-hat gī-lâng ê thó͘-tōe, chiah bián gī-lâng siū-pek chòe pháiⁿ.

⁴ Hiah-ê chòe hó, sim chèng-ti̍t ê lâng, Siōng Chú ah, kiû lí un-thāi in.

⁵ M̄-kú kiâⁿ ǹg oan-khiau ê lō͘ ê lâng, Siōng Chú ōe kā in kap chòe pháiⁿ ê lâng chòe-hé hêng-hoa̍t. Goān hô-pêng kui hō͘ Í-sek-lia̍t!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan