Si-phian 124 - 現代台語譯本羅馬字版

Siōng Chú Sī Lán ê Pó-hō͘-chiá
Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.

¹ Í-sek-lia̍t tio̍h kóng, “Nā m̄-sī Siōng Chú ūi lán,

² nā m̄-sī Siōng Chú ūi lán, lâng khí-lâi kong-kek lán,

³ tùi lán hoat siū-khì ê sî, chá chiū kā lán oa̍h-oa̍h thun--lo̍h-khì.

⁴ Tōa-chúi chá chiū kā lán chhiong cháu, tōa-éng chá chiū im-ba̍t lán,

⁵ hiong-kông ê chúi chá chiū kā lán im-sí.”

⁶ Lán tio̍h chheng-chàn Siōng Chú, in-ūi I bô chiong lán kau hō͘ tùi-te̍k thiah-chia̍h-lo̍h-pak.

⁷ Lán ê sìⁿ-miā chhin-chhiūⁿ chiáu-á thoat-lī lia̍h-chiáu ê lâng ê lô-bāng; lô-bāng phòa-li̍h, lán tit-tio̍h tô-thoat.

⁸ Lán tit-tio̍h pang-chān sī khò Siōng Chú ê miâ; I sī thiⁿ-tōe ê Chhòng-chō-chú!

The Bible Society in Taiwan

Lean sinn:

Ceanglaichean taic

Sanasan