Si-phian 123 - 現代台語譯本羅馬字版

Kiû Siōng Chú Lîn-bín
Peh-kiā chiūⁿ Iâ-lō͘-sat-léng ê si.

¹ Chē tī thiⁿ-téng pó-chō ê Siōng Chú ah, góa gia̍h-ba̍k ǹg lí.

² Khòaⁿ ah, po̍k-jîn ê ba̍k-chiu án-chóaⁿ gióng-bōng chú-lâng ê chhiú, lú-pī ê ba̍k-chiu án-chóaⁿ gióng-bōng lú-chú-lâng ê chhiú, goán ê ba̍k-chiu mā án-ni gióng-bōng Siōng Chú — goán ê Siōng-tè, it-ti̍t kàu I lîn-bín goán.

³ Siōng Chú ah, lîn-bín goán, lîn-bín goán, in-ūi goán hō͘ lâng khòaⁿ-khin kàu jím-siū bōe tiâu.

⁴ Goán í-keng bô hoat-tō͘ jím-siū chū-boán ê lâng ê léng-chhiò, bô hoat-tō͘ jím-siū chū-ko ê lâng ê biáu-sī.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan