Si-phian 122 - 現代台語譯本羅馬字版

Ūi Iâ-lō͘-sat-léng Kiû Pêng-an
Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.

¹ Góa chin hoaⁿ-hí lâng chio góa kóng, “Lán lâi-khì Siōng Chú ê tiān.”

² Iâ-lō͘-sat-léng ah, goán ê kha í-keng ta̍h-ji̍p lí ê mn̂g-lāi.

³ Iâ-lō͘-sat-léng kiàn-chō chòe chi̍t ê siâⁿ, choân-siâⁿ chéng-chôe sù-phòe.

⁴ Chiah-ê chi-cho̍k, chiū-sī Siōng Chú ê chi-cho̍k, lóng chiàu ūi Í-sek-lia̍t chè-tēng ê kui-lē, chiūⁿ-khì hia chheng-chàn Siōng Chú ê miâ.

⁵ In-ūi tī hia ū siat-li̍p sím-phòaⁿ ê pó-chō, chiū-sī Tāi-pi̍t-ke ê pó-chō.

⁶ Tio̍h ūi Iâ-lō͘-sat-léng kiû hô-pêng; goān thiàⁿ lí ê lâng lóng hióng-siū an-lo̍k.

⁷ Goān lí ê siâⁿ-lāi ū hô-pêng; goān lí ê kiong-lāi ū an-lo̍k.

⁸ Ūi-tio̍h góa ê chhin-lâng pêng-iú, góa beh kóng, “Goān lín pêng-an!”

⁹ Ūi-tio̍h Siōng Chú — lán ê Siōng-tè ê tiān, góa beh ūi lín kiû hok-khì.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan