Si-phian 121 - 現代台語譯本羅馬字版

Góa ê Pó-hō͘-chiá Siōng-tè
Peh-kiā chiūⁿ Iâ-lō͘-sat-léng ê si.

¹ Góa gia̍h-thâu khòaⁿ soaⁿ; góa ê pang-chān tùi tó-ūi lâi?

² Góa ê pang-chān tùi Siōng Chú lâi; I sī chhòng-chō thiⁿ-tōe ê Chú.

³ I bōe hō͘ lí poa̍h-tó; lí ê pó-hō͘-chiá bōe tuh-bîn.

⁴ Í-sek-lia̍t ê pó-hō͘-chiá bōe tuh-bîn, mā bōe khùn--khì.

⁵ Siōng Chú sī lí ê pó-hō͘-chiá; I tī lí sin-piⁿ chòe ìm-ńg teh pó-hō͘ lí.

⁶ Ji̍t--sî, ji̍t-thâu bōe siong lí; mî--sî, ge̍h mā bōe hāi lí.

⁷ Siōng Chú ōe pó-hō͘ lí thoat-lī ta̍k-khoán chai-lān; I ōe pó-hō͘ lí ê sìⁿ-miā.

⁸ Lí chhut lí ji̍p, Siōng Chú ōe pó-hō͘ lí, tùi chit-sî ti̍t-kàu éng-oán.

The Bible Society in Taiwan

Lean sinn:

Ceanglaichean taic

Sanasan