Si-phian 120 - 現代台語譯本羅馬字版

Kî-kiû Pang-chān
Peh-kiā ê si.

¹ Góa tī gûi-kip ê sî kiû-kiò Siōng Chú; I ū ìn góa.

² Siōng Chú ah, kiû lí kiù góa, thang thoat-lī kóng pe̍h-chha̍t kap khúi-chà ê lâng.

³ Khúi-chà ê lâng ah, Siōng-tè ōe án-chóaⁿ tùi-thāi lí? I ōe án-chóaⁿ kā lí hêng-hoa̍t?

⁴ I ōe ēng ióng-sū chiam ê chìⁿ, ēng iām-jia̍t ê thòaⁿ hêng-hoa̍t lí.

⁵ Góa kià-ku tī Bí-siat, tòa tī Ki-ta̍t-lâng ê pò͘-pîⁿ chin chhám!

⁶ Góa kap iàm-ò͘ⁿ hô-pêng ê lâng chòe-hé khiā-khí siuⁿ kú.

⁷ Góa ài hô-pêng; góa chi̍t-ē kóng chhut-chhùi, in chiū hoah beh chiàn-cheng.

The Bible Society in Taiwan

Lean sinn:

Ceanglaichean taic

Sanasan