Bìoball air-loidhne

Si-phian 12 - 現代台語譯本羅馬字版

Kiû Pang-chān ê Kî-tó
Tāi-pi̍t ê si, kau hō͘ sèng-ga̍k-tiúⁿ; tiāu, kàng poeh tō͘.

¹ Siōng Chú ah, kiû lí chín-kiù. Khiân-sêng ê lâng bô--khì lah; sè-kan tiong-sìn ê lâng choa̍t-bia̍t lah.

² Lâng-lâng tùi chhù-piⁿ kóng pe̍h-chha̍t; in kóng phô͘-tháⁿ ê ōe, chhùi kóng chi̍t khoán, sim siūⁿ chi̍t khoán.

³ Kiû Siōng Chú hong-ba̍t phô͘-tháⁿ ê chhùi-tûn, koah-tn̄g kóng tōa-ōe ê chi̍h.

⁴ In kóng, “Goán beh khò chhùi-chi̍h khah iâⁿ; chhùi-tûn sī goán ê, siáⁿ-lâng ōe-tàng kā goán khòng-chè?”

⁵ Siōng Chú kóng, “Ūi-tio̍h khùn-khó͘-lâng ê óng-khut, kap sàn-chhiah-lâng ê thó͘-khùi, taⁿ góa beh khí--lâi, kā in an-tì tī in chhiat-chhiat him-bō͘ an-choân ê só͘-chāi.”

⁶ Siōng Chú ê ōe sûn-choân, chhin-chhiūⁿ gûn tī thô͘ chō ê hé-lô͘ liān chhit piàn.

^7-8 Bô lō͘-ēng ê lâng hō͘ sè-kan-lâng khòaⁿ-tāng; pháiⁿ-lâng ta̍k só͘-chāi ui-hong sáng-sè. Siōng Chú ah, kiû lí pó-hō͘ goán, pì-iū goán éng-oán thoat-lī chit sè-tāi ê lâng.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan