Bìoball air-loidhne

Si-phian 113 - 現代台語譯本羅馬字版

Kì-liām Chhut Ai-ki̍p

¹ Ha-lé-lú-iah, chheng-chàn Siōng Chú! Siōng Chú ê po̍k-jîn ah, lín tio̍h chheng-chàn, chheng-chàn Siōng Chú ê miâ.

² Goān Siōng Chú ê miâ siū chheng-chàn, tùi hiān-chāi kàu éng-oán.

³ Tùi ji̍t chhut kàu ji̍t lo̍h ê só͘-chāi, Siōng Chú ê miâ eng-kai siū chheng-chàn.

⁴ Siōng Chú thóng-hat bān-kok; I ê êng-kng pí thiⁿ khah koân.

⁵ Siáⁿ-lâng ōe-tàng kap Siōng Chú — lán ê Siōng-tè pí? I chē tī chì-koân ê só͘-chāi,

⁶ àⁿ lo̍h-lâi khòaⁿ thiⁿ kap tōe.

⁷ I tùi tîn-ai ko-seng sàn-chhiah-lâng, tùi pùn-sò-tui thê-poa̍t khiàm-kheh ê lâng;

⁸ I hō͘ in pôe-phōaⁿ kùi-cho̍k, kap pún-kok ê kùi-cho̍k chòe-hé chē.

⁹ I hō͘ bōe seng-io̍k ê hū-jîn-lâng ū ka-têng, chòe chin chōe jî-lú ê lāu-bú lâi hoaⁿ-hí. Ha-lé-lú-iah, chheng-chàn Siōng Chú!

The Bible Society in Taiwan

Lean sinn:

Ceanglaichean taic

Sanasan