Bìoball air-loidhne

Si-phian 111 - 現代台語譯本羅馬字版

Tio̍h chheng-chàn Siōng Chú

¹ Ha-lé-lú-iah, chheng-chàn Siōng Chú! Tī chèng-ti̍t ê lâng chū-chi̍p ê tāi-hōe tiong, góa beh choân-sim kám-siā Siōng Chú.

² Siōng Chú ê chok-ûi chin kî-biāu, ì-ài I chok-ûi ê lâng lóng hoaⁿ-hí chhâ-khó.

³ I ê chok-ûi chun-kùi ui-giâm; I ê kong-gī éng-oán chûn-sio̍k.

⁴ Siōng Chú kiâⁿ kî-sū hō͘ lâng kì-liām; I ū un-hūi, ū lîn-bín.

⁵ I sù bí-niû hō͘ kèng-ùi I ê lâng; I ōe éng-oán kì-tiâu I ê iok.

⁶ I tùi I ê chú-bîn hián-bêng tōa koân-lêng ê chok-ûi, chiong lia̍t-pang ê thó͘-tōe sù hō͘ in.

⁷ I ê chhiú só͘ chòe--ê sìn-si̍t kong-pêng, I ê lu̍t-lē khak-si̍t ū-hāu,

⁸ éng-oán bōe kái-piàn, chiàu sìn-si̍t kong-chèng chè-tēng.

⁹ I kiù-sio̍k I ê chú-bîn, kap in li̍p éng-oán ê iok. I ê miâ sī sèng, thang kiaⁿ-ùi.

¹⁰ Kèng-ùi Siōng Chú sī tì-hūi ê kun-pún, chiàu án-ni chun-hêng chiah sī chhong-bêng. Siōng Chú eng-kai éng-oán siū chheng-chàn!

The Bible Society in Taiwan

Lean sinn:

Ceanglaichean taic

Sanasan