Bìoball air-loidhne

Si-phian 110 - 現代台語譯本羅馬字版

Siōng Chú kap I Kéng-soán ê Ông
Tāi-pi̍t ê si.

¹ Siōng Chú tùi góa ê chú kóng, “Lí chē góa ê chiàⁿ-pêng, thèng-hāu góa hō͘ lí ê tùi-te̍k chòe lí ê kha-tiam.”

² Siōng Chú beh hō͘ lí tùi Sek-an chhun-chhut koân-lêng ê koáiⁿ; lí tio̍h tī tùi-te̍k ê tiong-kan chiáng-koân.

³ Lí chhut-cheng ê ji̍t, jîn-bîn ōe kam-sim choh-peng; lí ê chòng-teng ōe chhin-chhiūⁿ chá-khí-sî ê lō͘-chúi kiat-ha̍p, lâi sèng-soaⁿ kun-tè lí.

⁴ Siōng Chú ū li̍p-sè, it-tēng bōe hō͘-hóe, kóng, “Chiàu Be̍k-ki-sé-tek ê pan-chhù, lí éng-oán choh chè-si.”

⁵ Chú tī lí ê chiàⁿ-pêng, I siū-khì ê ji̍t ōe phah-pāi lia̍t-ông.

⁶ I beh sím-phòaⁿ bān-kok, phah-pāi in ê siú-léng, hō͘ sin-si piàn-móa choân-tōe.

⁷ Ông beh lim lō͘-piⁿ ê khoe-chúi, têng-sin tit-tio̍h khùi-la̍t, pek-chiàn-pek-sèng.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan