Bìoball air-loidhne

Si-phian 11 - 現代台語譯本羅馬字版

Sìn-khò Siōng Chú
Tāi-pi̍t ê si, kau hō͘ sèng-ga̍k-tiúⁿ.

¹ Siōng Chú sī góa ê pī-lān-só͘; lín sī-án-chóaⁿ tùi góa kóng, “Lí tio̍h chhin-chhiūⁿ chiáu pe-khì soaⁿ-lāi.

² Khòaⁿ ah, pháiⁿ-lâng áu-keng, an in ê chìⁿ tī keng-hiân, beh àm-tiong siā sim chèng-ti̍t ê lâng.

³ Tōe-ki pang--khì, gī-lâng iáu ōe-tàng chòe sím-mi̍h?”

⁴ Siōng Chú tī I ê sèng-tiān; Siōng Chú ê pó-chō tī thiⁿ--ni̍h. I ê ba̍k-chiu teh khòaⁿ, kim-kim teh kàm-chhat sè-kan-lâng.

⁵ Siōng Chú khó-giām gī-lâng; pháiⁿ-lâng kap ài kiông-pō ê lâng, I iàm-ò͘ⁿ.

⁶ I hō͘ teh to̍h ê hé-thòaⁿ kàng-lo̍h tī pháiⁿ-lâng sin-chiūⁿ, ēng hé-iām, liû-hông, kap iām-jia̍t ê hong chòe in èng-siū ê pò-èng.

⁷ Siōng Chú kong-gī, I ài kong-gī; chèng-ti̍t ê lâng ōe kìⁿ-tio̍h I ê bīn.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan