Si-phian 108 - 現代台語譯本羅馬字版

Khò Chú Chiah Ōe Tek-sèng
( Si 57.7-11 ; 60.5-12 )
Tāi-pi̍t ê si-koa.

¹ Siōng-tè ah, góa ê sim kian-tēng; góa ê sim-sîn beh chhiùⁿ-koa chheng-chàn.

² Khîm ah, sek ah, tio̍h chhíⁿ--khí-lâi! Góa beh kā ji̍t-thâu kiò-chhíⁿ.

³ Siōng Chú ah, góa beh tī bān-bîn tiong kám-siā lí, tī lia̍t-pang tiong chhiùⁿ-koa chheng-chàn lí.

⁴ Lí ê chû-ài pí thiⁿ khah koân; lí ê sìn-si̍t thàu kàu kiong-chhong.

⁵ Siōng-tè ah, goān lí ê úi-tāi pôaⁿ-kè thiⁿ; goān lí ê êng-kng piàn-chiò choân-tōe.

⁶ Kiû lí ēng chiàⁿ-chhiú khan-kiù goán lâi hôe-èng goán, hō͘ lí só͘ thiàⁿ ê lâng tit-tio̍h kái-kiù.

⁷ Siōng-tè tī I ê sèng-só͘ kóng, “Góa tōa sèng-lī lah! Góa beh hun-koah Sī-kiàm, hun-phòe So͘-kat ê soaⁿ-kok.

⁸ Ki-lia̍t sī góa ê, Má-ná-se mā sio̍k góa; Í-hoat-liân sī góa ê thâu-khoe; Iû-tāi sī góa koân-pèng ê koáiⁿ.

⁹ Mô͘-ap chòe góa ê e̍k-phûn; góa hiat góa ê ôe tī Í-tong; góa in-ūi khah iâⁿ Hui-lī-sū tōa-siaⁿ hoah.”

¹⁰ Siáⁿ-lâng beh chhōa góa ji̍p-khì kian-kò͘ ê siâⁿ? Siáⁿ-lâng beh chhōa góa ji̍p-khì Í-tong ê tōe?

¹¹ Siōng-tè ah, lí kiám ū khì-sak goán? Siōng-tè ah, lí kiám bōe koh kap goán ê kun-tūi tàu-tīn chhut-cheng?

¹² Kiû lí oān-chō͘ goán kong-kek tùi-te̍k, in-ūi lâng ê pang-chān bōe-khò--tit.

¹³ Khò Siōng-tè goán chiah ōe tek-sèng; I ōe phah-pāi goán ê tùi-te̍k.

The Bible Society in Taiwan

Lean sinn:

Ceanglaichean taic

Sanasan