Bìoball air-loidhne

Ngá-ko 4 - 現代台語譯本羅馬字版

(Lâm)

¹ Góa ê ài-jîn, lí chin súi, lí si̍t-chāi chin súi! Lí ê ba̍k-chiu chhin-chhiūⁿ hún-chiáu bih tī phè ê lāi-bīn; lí ê thâu-mn̂g chhin-chhiūⁿ kui-tīn soaⁿ-iûⁿ tó tī Ki-lia̍t ê soaⁿ-phiâⁿ.

² Lí ê chhùi-khí chhin-chhiūⁿ tú chián-mn̂g kui-kûn ê iûⁿ-bú, sóe chheng-khì tùi chúi--ni̍h peh--khí-lâi; ta̍k-chiah lóng siⁿ siang-siⁿ, bô chi̍t chiah phah-sńg.

³ Lí ê chhùi-tûn chhin-chhiūⁿ chu-âng ê sòaⁿ; lí ê chhùi siⁿ-chòe chin hó-khòaⁿ; lí ê pìn-piⁿ tī phè ê lāi-bīn, chhin-chhiūⁿ peh-khui ê sia̍h-liû.

⁴ Lí ê ām-kún chhin-chhiūⁿ Tāi-pi̍t ê thah kian-kò͘ hó khòaⁿ, tiàu móa ióng-sū ê tún-pâi.

⁵ Lí nn̄g lia̍p lin chhin-chhiūⁿ chi̍t tùi lo̍k-á, chhin-chhiūⁿ lo̍k-bú ê siang-siⁿ-kiáⁿ, tī pek-ha̍p-hoe tiong teh chia̍h-chháu.

⁶ Ji̍t liâng-léng, iáⁿ chhun-tn̂g ê sî, góa beh khì bu̍t-io̍h ê soaⁿ, kap jú-hiuⁿ ê soaⁿ-thâu.

⁷ Góa ê ài-jîn, lí si̍t-chāi chin súi, bô chi̍t-tiám-á thang hiâm.

⁸ Góa ê sin-niû ah, lī-khui Lê-pa-lūn, kap góa chòe-hé lâi-khì; tùi A-má-ná ê soaⁿ-téng, tùi Sī-nî-ní, chiū-sī Hek-bûn ê soaⁿ-téng, tùi sai ê hia̍t, tùi pà tòa ê soaⁿ kóaⁿ-kín lo̍h--lâi.

⁹ Góa ê sió-bē, góa ê sin-niû ah, lí ū toa̍t góa ê sim; lí ba̍k-chiu chi̍t-ē khòaⁿ, ēng lí ām-kún ê chi̍t tiâu kim-liān-á chiū kā góa ê sim toa̍t--khì.

¹⁰ Góa ê sió-bē, góa ê sin-niû, lí ê ài-chêng ná hiah bí-biāu. Lí ê ài-chêng si̍t-chāi pí chiú khah hó; lí ko-iû ê phang-bī pí só͘-ū ê hiuⁿ-liāu khah phang.

¹¹ Góa ê sin-niû ah, lí ê chhùi-tûn tiⁿ chhin-chhiūⁿ tùi phang-pâng tih--lo̍h-lâi ê bi̍t; lí ê chi̍h ū bi̍t ū lin; lí ê i-ho̍k ū Lê-pa-lūn ê phang-bī.

¹² Góa ê sió-bē, góa ê sin-niû, sī só--teh ê hn̂g, khàm-ba̍t ê chíⁿ, hong-ba̍t ê chúi-chôaⁿ.

¹³ Lí chai-chèng sia̍h-liû ê hn̂g, chhut chin chōe chióng siōng-hó ê ké-chí, koh ū chńg-kah-hoe kap ná-ta̍t-chhiū.

¹⁴ Ū ná-ta̍t kap hoan-âng-hoe, chhiong-pô͘, jio̍k-kùi, kap jú-hiuⁿ, bu̍t-io̍h, tîm-hiuⁿ, kap it-chhè siōng-téng ê phang-liāu.

¹⁵ Lí sī hn̂g-tiong ê chúi-chôaⁿ, oa̍h-chúi ê chíⁿ, tùi Lê-pa-lūn lâu--lo̍h-lâi ê khoe-chúi.

(Lú)

¹⁶ Pak-hong ah, khí--lâi; lâm-hong ah, chhe--lâi; chhe-lâi góa ê hn̂g, hō͘ i ê phang-bī piàn-móa ta̍k só͘-chāi; hō͘ góa chhin-ài--ê ji̍p i ê hn̂g-lāi, hióng-siū siōng-hó ê ké-chí.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan