Bìoball air-loidhne

Ngá-ko 3 - 現代台語譯本羅馬字版

¹ Góa mî--sî tó tī bîn-chhn̂g, góa beh chhē góa sim-ài--ê; góa chhē i, chhē bô.

² Góa khí--lâi, tī siâⁿ-lāi sì-kòe kiâⁿ, tī koe-thâu-hāng-bé chhē góa sim-ài--ê; góa chhē i, m̄-kú chhē bô.

³ Siâⁿ-lāi sûn-lô ê lâng tú-tio̍h góa, góa mn̄g in: Lín ū khòaⁿ-tio̍h góa sim só͘ ài--ê-bô?

⁴ Góa lī-khui in bô jōa hn̄g, chiū chhē-tio̍h góa sim-ài--ê. Góa kā i khîⁿ--teh, m̄ hō͘ i lī-khui; kàu góa chhōa i ji̍p-khì goán lāu-bú ê chhù, chiū-sī hoâi-īn góa hit-keng pâng-keng.

⁵ Iâ-lō͘-sat-léng ê cha-bó͘ gín-á ah, góa kí lêng-iûⁿ kap chhân-iá ê lo̍k-bú, khún-chhiat kā lín hoan-hù, m̄-thang phah-chhíⁿ, m̄-thang kiáu-jiáu goán ê ài-chêng, kàu goán hoaⁿ-hí boán-chiok.

Tē-saⁿ Siú (Lú)

⁶ Hit-ê tùi khòng-iá lâi, hêng-chōng chhin-chhiūⁿ hé-hun ê thiāu, ēng bu̍t-io̍h, jú-hiuⁿ, kap seng-lí-lâng teh bōe ê phang-hún hō͘ i hoat-chhut phang-bī--ê sī siáⁿ-lâng?

⁷ Lí khòaⁿ, sī Só͘-lô-bûn ê kiō, sì-ûi ū la̍k-cha̍p ê ióng-sū, lóng sī tùi Í-sek-lia̍t ióng-sū tiong kéng--ê.

⁸ In lóng gâu ēng kiàm, gâu sio-chiàn; ta̍k-ê io hâ to, hông-pī mî--sî ê gûi-hiám.

⁹ Só͘-lô-bûn-ông ēng Lê-pa-lūn ê chhâ, ūi ka-kī chòe chi̍t téng kiō.

¹⁰ Thiāu ēng gûn chòe, kòa ēng kim chòe, chē-ūi ēng chí-sek ê châi-liāu, lāi-bīn sī ēng Iâ-lō͘-sat-léng ê cha-bó͘ gín-á ê ài-chêng pho͘--ê.

¹¹ Sek-an ê cha-bó͘ gín-á ah, tio̍h chhut--khì, khì khòaⁿ Só͘-lô-bûn-ông; i tì ông-koan, i ê lāu-bú tī i kiat-hun khoài-lo̍k ê ji̍t kā i tì--ê.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan