Bìoball air-loidhne

Lô-má-su 16 - 現代台語譯本羅馬字版

Chhéng-an

¹ Góa tùi lín chhui-chiàn lán ê chí-bē Hui-pí, i sī Kian-kek-lí kàu-hōe ê chip-sū.

² Chhiáⁿ lín in-ūi Chú ê iân-kò͘, chiàu sìn-tô͘ ê pún-hūn kā i chiap-thāi. I ū sím-mi̍h su-iàu, chhiáⁿ lín kā i pang-chān. I it-ti̍t jia̍t-sim pang-chān chin chōe lâng, pau-hâm góa pún-sin.

³ Chhiáⁿ thòe góa kā Pek-ki-la kap A-ku-la chhéng-an; in kap góa sī tī Ki-tok Iâ-so͘ lāi-bīn ê tâng-kang.

⁴ In bat ūi-tio̍h góa mō͘ sìⁿ-miā ê gûi-hiám; m̄-nā góa, liân só͘-ū Gōa-pang ê kàu-hōe mā lóng beh kā in kám-siā.

⁵ Mā kā tī in tau teh chū-chi̍p ê kàu-hōe chhéng-an. Chhiáⁿ thòe góa chhéng-an góa só͘ thiàⁿ ê Í-pài-nî-thó͘; i sī A-sè-a thâu chi̍t ê kui-sìn Ki-tok ê lâng.

⁶ Mā chhéng-an ūi-tio̍h lín siū chin chōe lô-khó͘ ê Má-lī-a.

⁷ Koh kā góa ê chhin-cho̍k, kap góa chòe-hé koaiⁿ-kaⁿ ê An-to-nî-kó͘ kap Iû-nî-a chhéng-an; in tī sù-tô͘ tiong sī ū bêng-bōng ê lâng, pí góa khah tāi-seng kui-sìn Ki-tok.

⁸ Chhiáⁿ thòe góa chhéng-an Chú-lāi góa só͘ thiàⁿ ê Àm-pek-lī.

⁹ Chhéng-an tī Ki-tok lāi-bīn ê tâng-kang Ní-pa-ló͘ kap góa só͘ thiàⁿ ê Sū-tāi-kó͘.

¹⁰ Chhéng-an tī Ki-tok keng-kè khó-giām ê A-pí-lī. Kā A-lī-to-pò͘ ke-lāi ê lâng chhéng-an.

¹¹ Kā góa ê chhin-cho̍k Hi-lô-thian chhéng-an. Kā Ná-kî-sò͘ ke-lāi sìn Chú ê lâng chhéng-an.

¹² Chhiáⁿ thòe góa chhéng-an ūi-tio̍h Chú siū chin chōe lô-khó͘ ê Thó͘-hui-ná kap Thó͘-hù-sat. Kā só͘ thiàⁿ ê Pí-sek chhéng-an; i bat ūi-tio̍h Chú lô-khó͘ kang-chok.

¹³ Chhéng-an tī Chú siū kéng-soán ê Ló͘-hu kap i ê lāu-bú; i ê lāu-bú mā-sī góa ê lāu-bú.

¹⁴ Kā A-sùn-kî-thó͘, Hut-le̍k-kan, Hek-bí, Pat-lô-pa, Hek-má, í-ki̍p kap in chòe-hé ê hiaⁿ-tī chí-bē chhéng-an.

¹⁵ Kā Hui-lô-lô-kó͘ kap Iû-lī-a, Nî-lī-a kap i ê chí-bē, kap O-lîm-pa, í-ki̍p kap in chòe-hé ê chèng sìn-tô͘ chhéng-an.

¹⁶ Lín tio̍h chhin-chhiat hō͘-siōng chhéng-an. Ki-tok ê chèng kàu-hōe lóng kā lín chhéng-an.

Chòe-āu ê Khoàn-bián

¹⁷ Hiaⁿ-tī chí-bē, góa khó͘-khǹg lín, tio̍h sió-sim thê-hông hiah-ê chè-chō hun-lia̍t, hō͘ lín hoān-chōe, ûi-pōe lín só͘ niá-siū ê kà-sī hiah-ê lâng.

¹⁸ In-ūi chit-khoán lâng m̄-sī choh po̍k-jîn teh ho̍k-sāi lán ê Chú Ki-tok, sī teh kò͘ ka-kī ê pak-tó͘, ēng hoa-giân-kháu-gú iú-he̍k láu-si̍t-lâng ê sim.

¹⁹ In-ūi lín ê sūn-ho̍k, chèng-lâng í-keng lóng chai, só͘-í góa ūi-tio̍h lín hoaⁿ-hí. Góa ài lín tùi hó-sū tio̍h khiáu, tùi pháiⁿ-sū tio̍h gōng.

²⁰ Sù pêng-an ê Siōng-tè chin kín chiū ōe chiong Sat-tàn ta̍h-chhùi, hō͘ i khut-ho̍k tī lín kha-ē. Goān lán ê Chú Iâ-so͘ ê un-hūi kap lín tông-chāi!

²¹ Góa ê tâng-kang Thê-mô͘-thài í-ki̍p góa ê chhin-cho̍k Lō͘-kiû, Iâ-sun, Só͘-se-pa-tek kā lín chhéng-an.

²² Góa Tek-thê, chiū-sī chit-tiuⁿ phoe ê tāi-pit-jîn, tī Chú-lāi kā lín chhéng-an.

²³ Chiap-thāi góa kap choân kàu-hōe ê Kai-iû kā lín chhéng-an. Chit-ê siâⁿ ê kòe-kè-tiúⁿ Í-la-to͘ kap lán ê hiaⁿ-tī Koat-thó͘ mā kā lín chhéng-an.

Siōng-chàn

²⁵ Goān êng-kng kui hō͘ Siōng-tè! I ōe chiàu góa só͘ thoân ê hok-im, chiū-sī só͘ soan-iông ê Iâ-so͘ Ki-tok, lâi kian-kò͘ lín ê sìn-sim. Chit-ê hok-im sī bān-kó͘ í-lâi só͘ ún-ba̍t ê ò-biāu,

²⁶ taⁿ í-keng chiàu éng-oa̍h Siōng-tè ê bēng-lēng, thong-kè chèng sian-ti ê chheh hián-bêng--chhut-lâi, beh hō͘ bān-bîn chai, thang sìn lâi sūn-thàn.

²⁷ Goān êng-kng thong-kè Iâ-so͘ Ki-tok kui tī to̍k-it choân-tì ê Siōng-tè, ti̍t-kàu éng-oán. Amen!

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan