Bìoball air-loidhne

Lī-bī-kì 3 - 現代台語譯本羅馬字版

Pêng-an-chè

¹ Nā ū lâng beh hiàn gû chòe pêng-an-chè, tio̍h tùi gû-kûn ê tiong-kan chhú chi̍t chiah bô hâ-chhû ê gû-káng á-sī gû-bú, kā i khan-lâi Siōng Chú ê bīn-chêng.

² Hit-ê lâng tio̍h hōaⁿ-chhiú tī hit-chiah gû ê thâu-khak téng, tī hōe-bō͘ ê mn̂g-kháu kā thâi. A-lûn ê hō͘-tāi chòe chè-si--ê, tio̍h chiong huih hiù tī chè-tôaⁿ ê sì-chiu-ûi.

^3-4 Hōng-hiàn ê lâng tio̍h tùi pêng-an-chè ê chè-mi̍h, chiong pak-lāi kap i téng-bīn ê iû, nn̄g lia̍p io-chí kap in piⁿ--á ê iû, í-ki̍p koaⁿ kap i ê bāng-se lóng the̍h--khí-lâi, ēng hé sio hiàn hō͘ Siōng Chú.

⁵ A-lûn ê kiáⁿ-sun chiū kā chiah-ê hē tī tôaⁿ--ni̍h teh to̍h ê chhâ téng-bīn, kap sio-hòa-chè chòe-hé sio chòe phang-phang ê chè-mi̍h, hiàn hō͘ Siōng Chú.

⁶ Nā ū lâng beh hiàn iûⁿ chòe pêng-an-chè hō͘ Siōng Chú, tio̍h tùi iûⁿ-kûn ê tiong-kan chhú chi̍t chiah bô hâ-chhû ê iûⁿ-káng á-sī iûⁿ-bú, kā i khan--lâi.

⁷ Hit-ê lâng nā beh hiàn mî-iûⁿ-á, tio̍h khan-lâi Siōng Chú ê bīn-chêng,

⁸ hōaⁿ-chhiú tī hit-chiah iûⁿ-á ê thâu-khak téng, tī hōe-bō͘ ê mn̂g-kháu kā thâi. A-lûn ê kiáⁿ-sun tio̍h chiong huih hiù tī chè-tôaⁿ ê sì-chiu-ûi.

^9-10 Hōng-hiàn ê lâng tio̍h tùi pêng-an-chè ê chè-mi̍h chhú iû, chiū-sī chiong bé-tâng-kut í-hā kui-ki pûi ê bé, pak-lāi kap i téng-bīn ê iû, nn̄g lia̍p io-chí kap in piⁿ--á ê iû, í-ki̍p koaⁿ kap i ê bāng-se lóng the̍h--khí-lâi, thang chòe ēng hé sio hiàn hō͘ Siōng Chú ê chè-mi̍h.

¹¹ Chè-si tio̍h chiong chiah-ê hē tī chè-tôaⁿ téng, ēng hé sio chòe chia̍h-mi̍h hiàn hō͘ Siōng Chú.

¹² Nā ū lâng beh hiàn soaⁿ-iûⁿ chòe chè-mi̍h, tio̍h khan-lâi Siōng Chú ê bīn-chêng,

¹³ hōaⁿ-chhiú tī hit-chiah soaⁿ-iûⁿ ê thâu-khak téng, tī hōe-bō͘ ê mn̂g-kháu kā thâi. A-lûn ê kiáⁿ-sun tio̍h chiong huih hiù tī chè-tôaⁿ ê sì-chiu-ûi.

^14-15 Hōng-hiàn ê lâng tio̍h chiong pak-lāi kap i téng-bīn ê iû, nn̄g lia̍p io-chí kap in piⁿ--á ê iû, í-ki̍p koaⁿ kap i ê bāng-se lóng the̍h--khí-lâi, thang chòe ēng hé sio hiàn hō͘ Siōng Chú ê chè-mi̍h.

¹⁶ Chè-si tio̍h chiong chiah-ê hē tī chè-tôaⁿ téng, ēng hé sio chòe phang-phang ê chia̍h-mi̍h. Só͘-ū ê iû lóng tio̍h kui Siōng Chú.

¹⁷ Lín bô-lūn tòa tī sím-mi̍h só͘-chāi, iû kap huih lóng m̄-thang chia̍h; che beh chòe lín sè-sè-tāi-tāi éng-oán ê kui-lē.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan