Bìoball air-loidhne

Khé-sī-lio̍k 4 - 現代台語譯本羅馬字版

Thiⁿ-téng ê Kèng-pài

¹ Āu-lâi góa koh khòaⁿ, khòaⁿ-kìⁿ thiⁿ-téng ū chi̍t ê khui-khui ê mn̂g. Góa ū thiaⁿ-kìⁿ hit-ê thâu chi̍t piàn tùi góa kóng-ōe ê siaⁿ, chhin-chhiūⁿ lat-pah teh hiáng, kóng, “Khí-lâi chia, góa beh chí-sī lí í-āu it-tēng ōe hoat-seng ê tāi-chì.”

² Góa chiū sûi-sî siū Sèng Sîn kám-tōng, khòaⁿ-kìⁿ thiⁿ-téng ū chi̍t ê pó-chō, ū chi̍t ūi chē tī pó-chō.

³ I ê bīn-māu chhin-chhiūⁿ phek-ge̍k kap âng-pó-chio̍h; pó-chō ê chiu-ûi ū khēng, khòaⁿ--khí-lâi chhin-chhiūⁿ le̍k pó-chio̍h.

⁴ Pó-chō ê chiu-ûi ū jī-cha̍p-sì ê chō-ūi, ū jī-cha̍p-sì ê tiúⁿ-ló chē tī chō-ūi, in chhēng pe̍h-saⁿ, thâu-khak tì kim ê hoa-koan.

⁵ Tùi pó-chō ū hoat-chhut sih-nà, hiáng-siaⁿ, kap lûi; tī pó-chō chêng ū chhit ki tiám-to̍h ê hé-pé, chiū-sī Siōng-tè ê chhit ê sîn.

⁶ Pó-chō chêng ū chhin-chhiūⁿ chúi-chiⁿ hiah-ni̍h thàu-bêng ê po-lê-hái. Pó-chō ê chiu-ûi ū sì ê oa̍h-mi̍h, in ê seng-khu chêng-āu lóng ū ba̍k-chiu.

⁷ Thâu chi̍t ê oa̍h-mi̍h chhin-chhiūⁿ sai, tē-jī ê oa̍h-mi̍h chhin-chhiūⁿ gû-káng-á, tē-saⁿ ê oa̍h-mi̍h ê bīn chhin-chhiūⁿ lâng ê bīn, tē-sì ê oa̍h-mi̍h chhin-chhiūⁿ teh pe ê eng-chiáu.

⁸ Chit sì ê oa̍h-mi̍h ta̍k-ê lóng ū la̍k ki si̍t, chiu-ûi kap lāi-bīn kui seng-khu ū chin chōe ba̍k-chiu. In mî-ji̍t bô-thêng teh chhiùⁿ: Sèng--chài! Sèng--chài! Sèng--chài! Choân-lêng ê Chú Siōng-tè; kè-khì chûn-chāi, hiān-chāi chûn-chāi, chiong-lâi mā chûn-chāi.

⁹ Ta̍k-piàn oa̍h-mi̍h chiong êng-kng, chun-kùi, kám-siā, kui hō͘ chē tī pó-chō, éng-éng-oán-oán oa̍h--teh Hit-ūi ê sî,

¹⁰ jī-cha̍p-sì ê tiúⁿ-ló chiū phak lo̍h-khì kèng-pài chē tī pó-chō, éng-éng-oán-oán oa̍h--teh Hit-ūi. In chiong hoa-koan hiat tī pó-chō chêng, kóng:

¹¹ Goán ê Chú, goán ê Siōng-tè! Lí eng-kai tit-tio̍h êng-iāu, chun-kùi, kap koân-lêng, in-ūi lí chhòng-chō bān-iú; tùi lí ê chí-ì, bān-iú siū-chō, seng-chûn.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan