Bìoball air-loidhne

Í-su-thiap-kì 3 - 現代台語譯本羅馬字版

Hap-bān Kè-bô͘ Siau-bia̍t Iû-thài-lâng

¹ Chiah-ê tāi-chì í-āu, A-hap-sûi-ló͘-ông thê-poa̍t A-kah-cho̍k Hap-bí-tāi-tha ê kiáⁿ Hap-bān, hō͘ i ê koaⁿ-ūi pí só͘-ū ê jîn-sîn khah koân.

² Só͘-ū tī ông-kiong chip-hêng jīm-bū ê koaⁿ-oân, lóng chiàu ông ê bēng-lēng kā Hap-bān kūi-pài; m̄-kú Boa̍t-tí-kái m̄-kūi m̄-pài.

³ Tī ông-kiong chip-hêng jīm-bū ê koaⁿ-oân mn̄g Boa̍t-tí-kái kóng, “Lí sī-án-chóaⁿ bô beh ho̍k-chiông ông ê bēng-lēng?”

⁴ In ta̍k-ji̍t kā i khó͘-khǹg, i lóng m̄ thiaⁿ; in-ūi i bat kā in kóng, i sī Iû-thài-lâng, só͘-í bô beh kā Hap-bān kūi-pài. In chiū kā Hap-bān kóng, beh khòaⁿ Boa̍t-tí-kái ōe-tàng kian-chhî jōa kú.

⁵ Hap-bān khòaⁿ-tio̍h Boa̍t-tí-kái m̄ tùi i kūi-pài; chiū móa-pak siū-khì.

⁶ In í-keng kā Hap-bān kóng Boa̍t-tí-kái sī Iû-thài-lâng; Hap-bān siūⁿ-kóng kan-ta thâi Boa̍t-tí-kái chi̍t ê lâng bô kàu-gia̍h, chiū kè-bô͘ beh siau-bia̍t A-hap-sûi-ló͘-ông choân-kok ê Iû-thài-lâng, chiū-sī Boa̍t-tí-kái ê tông-pau.

⁷ A-hap-sûi-ló͘-ông tē-cha̍p-jī nî chiaⁿ--ge̍h, chiū-sī Nî-sàn-ge̍h, Hap-bān bēng-lēng lâng thiu phó͘-ní, chiū-sī thiu-chhiam, koat-tēng beh hāi Iû-thài-lâng ê ji̍t-kî, thiu-tio̍h cha̍p-jī--ge̍h, chiū-sī A-ta̍t-ge̍h.

⁸ Hap-bān tùi A-hap-sûi-ló͘-ông kóng, “Tī lí thóng-tī ê ông-kok ū chi̍t ê bîn-cho̍k, hun-sòaⁿ tī ta̍k-séng jîn-bîn ê tiong-kan khiā-khí; in ê lu̍t-lē kap kî-tha bîn-cho̍k bô kâng-khoán, mā bô chun-siú ông ê hoat-lēng; só͘-í nā iông-ún in, tùi ông bô lī-ek.

⁹ Ông nā khòaⁿ-chòe thò-tòng, chhiáⁿ hā-lēng kā in siau-bia̍t; góa goān-ì koan gûn saⁿ-cha̍p-sì-bān kong-kun, kau hō͘ hū-chek châi-chèng ê lâng siu-ji̍p ông ê hú-khò͘.”

¹⁰ Ông chiū pak i ê chhiú-chí hō͘ Iû-thài-lâng ê tùi-te̍k, A-kah-cho̍k Hap-bí-tāi-tha ê kiáⁿ Hap-bān.

¹¹ Ông kā Hap-bān kóng, “Chiah-ê gûn sù hō͘ lí, hit-ê bîn-cho̍k mā kau hō͘ lí, chiàu lí ê ì-sù pān in!”

¹² Chiaⁿ-ge̍h cha̍p-saⁿ, ông ê su-kì hōng-bēng, chiàu Hap-bān ê chí-sī, ēng ta̍k-séng ê bûn-jī, ta̍k bîn-cho̍k ê gú-giân, hêng-bûn hō͘ ông ê jîn-sîn, ta̍k-séng ê séng-tiúⁿ, kap ta̍k-cho̍k ê léng-siù. Chit-ê chiàu-su ēng A-hap-sûi-ló͘-ông ê bêng-gī, khàm ông ê chhiú-chí-ìn pan-pò͘.

¹³ Sàng-bûn-su--ê chiong chiàu-su sàng kàu choân-kok ta̍k-séng, bēng-lēng chiong Iû-thài-lâng, tùi siàu-liân kàu lāu, eⁿ-á, hū-jîn-lâng, tī cha̍p-jī--ge̍h, chiū-sī A-ta̍t-ge̍h cha̍p-saⁿ ji̍t, chi̍t ji̍t lāi kā in thâi-sí, oân-choân châu-bia̍t, koh chhiúⁿ in ê châi-sán.

¹⁴ Chiàu-su ê chhau-pún sàng hō͘ ta̍k-séng, tùi choân-kok jîn-bîn soan-pò͘, hō͘ in chún-pī, thèng-hāu hit-ji̍t.

¹⁵ Sàng-bûn-su--ê chiàu ông ê bēng-lēng, chin kín chiū chhut-hoat. Chiàu-su tī Su-san-siâⁿ kong-pò͘, choân-siâⁿ lóng khí hūn-loān. Hit-sî, ông kap Hap-bān chē-teh lim-chiú.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan