Bìoball air-loidhne

Í-sài-a-su 4 - 現代台語譯本羅馬字版

¹ Tī hit-ji̍t, chhit ê cha-bó͘-lâng ōe khîⁿ-tiâu chi̍t ê ta-po͘-lâng, kóng, “Goán beh chia̍h ka-kī, beh chhēng goán ka-kī ê saⁿ; m̄-kú, chhiáⁿ hō͘ goán kui-sio̍k lí ê miâ, hō͘ goán bián siū kè bōe chhut--khì ê kiàn-siàu.”

Iâ-lō͘-sat-léng ê Tiông-kiàn

² Tī hit-ji̍t, Siōng Chú ê sin-íⁿ ōe súi koh bō͘-sēng; thó͘-tōe chhut-sán ê ké-chí, ōe chiâⁿ-chòe Í-sek-lia̍t sí-bô-khì ê lâng ê khoa-iāu kap êng-kng.

³ Hiah-ê lâu tī Sek-an, chiū-sī só͘-ū khiā-khí tī Iâ-lō͘-sat-léng, siū kéng-soán iáu oa̍h--teh ê lâng, in lóng ōe siū hun-pia̍t-choh-sèng.

⁴ Siōng Chú it-tēng ōe ēng sím-phòaⁿ ê sîn kap sio-húi ê sîn, sóe-tû Sek-an chū-bîn ê lâ-sâm, tùi in tiong-kan sóe-chheng Iâ-lō͘-sat-léng thâi-lâng ê huih-jiah.

⁵ Āu-lâi, Siōng Chú ōe tī kui-chō Sek-an-soaⁿ kap só͘-ū ê hōe-chiòng téng-bīn, tī ji̍t--sî chō hûn, tī mî--sî chō ū ian kap hé-iām ê kng; Siōng-tè ê êng-kng ōe chhin-chhiūⁿ tōa pò͘-phâng tah tī choân-siâⁿ téng-bīn.

⁶ Án-ni, ji̍t--sî thang jia thài-iông ê iām-jia̍t; kông-hong-pō-ú ê sî thang chòe pī-lān-só͘.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan