Bìoball air-loidhne

Í-hut-só͘-su 1 - 現代台語譯本羅馬字版

¹ Góa sī Pó-lô, hōng Siōng-tè ê chí-ì choh Ki-tok Iâ-so͘ ê sù-tô͘; góa siá-phoe hō͘ tòa tī Í-hut-só͘, sio̍k Ki-tok Iâ-so͘ tiong-sìn ê sìn-tô͘.

² Goān lán ê Pē Siōng-tè kap Chú Iâ-so͘ Ki-tok sù lín un-tián kap pêng-an!

Thong-kè Ki-tok Tit-tio̍h Sio̍k-lêng ê Hok-khì

³ Tio̍h chheng-chàn lán ê Chú Iâ-so͘ Ki-tok ê Pē Siōng-tè! In-ūi I ū chiong thiⁿ-téng ta̍k-khoán sio̍k-lêng ê hok-khì, thong-kè lán kap Ki-tok kiat-liân, sù hō͘ lán.

⁴ Chhòng-sè í-chêng, Siōng-tè í-keng thong-kè Ki-tok kéng-soán lán, hō͘ lán tī I bīn-chêng chiâⁿ-chòe sèng-kiat bô khoat-tiám ê lâng. In-ūi Siōng-tè thiàⁿ lán,

⁵ chá chiū koat-tēng beh thong-kè Iâ-so͘ Ki-tok hō͘ lán choh I ê kiáⁿ-jî kui I; che sī I só͘ hoaⁿ-hí--ê, sī I ê chí-ì.

⁶ Lán tio̍h siōng-chàn Siōng-tè êng-iāu ê un-tián, in-ūi I ū chiong I só͘ thiàⁿ ê Kiáⁿ bô tiâu-kiāⁿ sù hō͘ lán!

⁷ Tùi Ki-tok, thong-kè I ê sí, lán tit-tio̍h chū-iû, chōe-kò tit-tio̍h sià-bián. Siōng-tè ê un-tián si̍t-chāi chin hong-hù;

⁸ I ū chiong chit-ê un-tián chhiong-chhiong-chiok-chiok sù hō͘ lán. I ēng ta̍k-khoán ê tì-hūi kap lí-kái,

⁹ chiàu I só͘ hoaⁿ-hí ê chí-ì, hō͘ lán chai I chá chiū koat-tēng thong-kè Ki-tok lâi oân-sêng ò-biāu ê kè-ōe.

¹⁰ Chit-ê kè-ōe, Siōng-tè beh tī sî-ki sêng-se̍k ê sî oân-sêng, thang hō͘ thiⁿ-téng kap tōe-chiūⁿ it-chhè ê pī-chō-bu̍t lóng chun Ki-tok choh thâu, liân-ha̍p chòe chi̍t ê.

¹¹ Bān-iú lóng chiàu Siōng-tè ê kè-ōe kap koat-tēng lâi oân-sêng. Siōng-tè chiàu I tāi-seng koat-tēng ê chí-ì, thong-kè Ki-tok kéng-soán goán lâi sêng-chiap I ê ke-gia̍p.

¹² Án-ni sī beh hō͘ goán chiah-ê tāi-seng chiong ǹg-bāng khǹg tī Ki-tok ê lâng thang siōng-chàn Siōng-tè ê êng-iāu.

¹³ Thong-kè Ki-tok, lín mā ū thiaⁿ-tio̍h chin-lí ê sìn-sit, chiū-sī hit-ê hō͘ lín tit-kiù ê hok-im, hit-sî lín ū sìn, Siōng-tè chiū sù lín só͘ èng-ún ê Sèng Sîn, kā lín khàm-ìn chèng-bêng lín sio̍k I.

¹⁴ Sèng Sîn pó-chèng lán thang sêng-chiap Siōng-tè só͘ èng-ún ê ke-gia̍p, ti̍t-kàu hō͘ sio̍k I ê lâng tit-tio̍h oân-choân ê chū-iû, thang siōng-chàn I ê êng-iāu.

Pó-lô ê Kî-tó

¹⁵ In-ūi án-ni, góa chi̍t-ē thiaⁿ-tio̍h lín tùi Chú Iâ-so͘ ū sìn-sim, tùi só͘-ū ê sìn-tô͘ ū thiàⁿ-sim,

¹⁶ chiū ūi-tio̍h lín put-sî teh kám-siā Siōng-tè. Góa tī kî-tó tiong siàu-liām lín,

¹⁷ kî-kiû lán ê Chú Iâ-so͘ Ki-tok ê Siōng-tè, êng-iāu ê Thiⁿ Pē, sù Sèng Sîn hō͘ lín ū tì-hūi kap khé-sī thang jīn-bat I.

¹⁸ Góa khún-kiû Siōng-tè khui lín ê sim-gán, hō͘ lín thang chai I soán-tiàu lín lâi tit--tio̍h ê ǹg-bāng sī sím-mi̍h. I tùi I ê sìn-tô͘ só͘ èng-ún ê chiok-hok jōa-á-ni̍h hong-hù,

^19-20 tī lán sìn I ê lâng tiong-kan teh ūn-hêng ê koân-lêng jōa-á-ni̍h tōa. I ū ūn-iōng chit-ê khùi-la̍t hō͘ Ki-tok tùi sí-lâng tiong koh-oa̍h, koh hō͘ Ki-tok tī thiⁿ-téng chē tī I ka-kī ê chiàⁿ-pêng,

²¹ tī hia chhiau-oa̍t só͘-ū ê thóng-léng-chiá, chiáng-koân-chiá, koân-le̍k-chiá, chú-chèng-chiá, í-ki̍p it-chhè hiān-chāi kap chiong-lâi ōe-tàng chheng-ho͘ ê hâm-thâu.

²² Siōng-tè hō͘ bān-iú lóng khut-ho̍k tī Ki-tok ê kha-ē, hō͘ I choh kàu-hōe ê goân-siú, thóng-tī bān-iú.

²³ Kàu-hōe sī Ki-tok ê sin-thé, sī chhiong-móa bān-iú ê Ki-tok só͘ oân-choân chhiong-móa--ê.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan