Bìoball air-loidhne

Iok-hān Jī-su 1 - 現代台語譯本羅馬字版

Chhéng-an

¹ Góa tiúⁿ-ló siá-phoe hō͘ siū kéng-soán ê hu-jîn kap lí ê kiáⁿ-jî: Góa chin-sim thiàⁿ lín, m̄-nā góa, liân só͘-ū jīn-bat chin-lí ê lâng mā thiàⁿ lín;

² in-ūi chin-lí tiàm tī lán lāi-bīn, ōe éng-oán kap lán tông-chāi.

³ Goān Pē Siōng-tè kap Pē ê Kiáⁿ Iâ-so͘ Ki-tok sù lán un-tián, lîn-bín, kap pêng-an, hō͘ lán ê seng-oa̍h chhiong-móa chin-lí kap jîn-ài!

Chin-lí kap Jîn-ài

⁴ Góa hui-siông hoaⁿ-hí, in-ūi góa hoat-kiàn lí ê kiáⁿ-jî tiong-kan ū lâng chun-thàn Pē ê kài-bēng, si̍t-hêng chin-lí.

⁵ Hu-jîn ah, góa iau-kiû lí, lán tio̍h saⁿ-thiàⁿ. Góa teh siá hō͘ lí--ê m̄-sī sin ê kài-bēng, sī lán tùi khí-thâu chiū niá-siū--ê.

⁶ Lán chiàu Siōng-tè ê kài-bēng seng-oa̍h, chiū-sī thiàⁿ. Chit-ê kài-bēng sī lín tùi khí-thâu só͘ thiaⁿ--tio̍h-ê, tio̍h chiàu chit-ê kài-bēng seng-oa̍h.

⁷ Ū chin chōe bê-he̍k-chiá í-keng lâi kàu chit sè-kan; in m̄ kong-khai sêng-jīn Iâ-so͘ Ki-tok chòe lâng lâi sè-kan. Chit-khoán lâng sī bê-he̍k-chiá, sī Ki-tok ê Te̍k-tùi-chiá.

⁸ Tio̍h sió-sim, lín só͘ chòe ê kang chiah bōe lo̍k-khong, hoán-tńg ōe tit-tio̍h chhiong-chiok ê pò-siúⁿ.

⁹ Phian-lī bô kian-siú Ki-tok kà-sī ê lâng bô kap Siōng-tè kiat-liân. Kian-siú kà-sī ê lâng chiah ū kap Pē í-ki̍p Kiáⁿ kiat-liân.

¹⁰ Nā ū lâng khì lín hia, só͘ thoân ûi-pōe chit-khoán ê kà-sī, m̄-thang chiap-la̍p i ji̍p lín ê chhù, mā m̄-thang kā i chhéng-an,

¹¹ in-ūi kā i chhéng-an chiū-sī chham-ú i ê pháiⁿ hêng-ûi.

Chòe-āu ê Ōe

¹² Góa iáu ū chin chōe ōe ài siá, m̄-kú bô ài ēng chóa-pit; góa khah ǹg-bāng khì lín hia, tng-bīn kap lín kóng, thang hō͘ lán ê hoaⁿ-hí chhiong-móa.

¹³ Kap lí pîⁿ-pîⁿ siū kéng-soán hit-ê chí-bē ê kiáⁿ-jî beh kā lí chhéng-an.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan