Bìoball air-loidhne

Hap-pa-kok-su 3 - 現代台語譯本羅馬字版

Hap-pa-kok ê Kî-tó

¹ Sian-ti Hap-pa-kok ê kî-tó; tiāu, ēng “Lī-pia̍t”.

² Siōng Chú ah, góa thiaⁿ-tio̍h lí ê miâ-siaⁿ kap lí ê só͘-chòe chiū kiaⁿ-hiâⁿ. Siōng Chú ah, kiû lí tī goán ê sè-tāi hō͘ goán koh khòaⁿ-kìⁿ lí úi-tāi ê chok-ûi, tī lí tōa siū-khì ê sî, kiû lí ōe-kì-tit lîn-bín goán!

³ Siōng-tè tùi Thê-bān lâi, sîn-sèng ê Siōng-tè tùi Pa-lân-soaⁿ lo̍h--lâi. I ê êng-kng khàm-móa thiⁿ; chheng-chàn I ê siaⁿ chhiong-móa choân-tōe.

⁴ I ê chhàn-lān chhin-chhiūⁿ ji̍t-kng; I ê chhiú chiáng-ak khùi-la̍t, tùi hia siā-chhut sih-nà.

⁵ Un-e̍k kiâⁿ tī I ê thâu-chêng, jia̍t-pīⁿ tè tī I ê āu-bīn.

⁶ I khiā--teh, tāi-tōe chiū tín-tāng; I chi̍t-ē khòaⁿ, lia̍t-pang chiū phi̍h-phi̍h-chhoah. Bān-nî ê tōa-soaⁿ pang--lo̍h-lâi; chhian-kó͘ ê sió-soaⁿ tîm--lo̍h-khì. Siōng-tè ê só͘-kiâⁿ-só͘-chòe, éng-oán bô kái-piàn.

⁷ Góa khòaⁿ-tio̍h Kó͘-san ê pò͘-pîⁿ siū thiah-húi, Bí-tiân-lâng tòa ê só͘-chāi siū húi-hoāi.

⁸ Siōng Chú ah, lí khiâ-bé, chē tek-sèng ê chiàn-chhia lâi, kiám sī teh tùi khoe hoat siū-khì, tùi kang-hô khí sèng-tē, tùi hái-iûⁿ hoat tōa siū-khì?

⁹ Lí ê keng lóng gia̍h--chhut-lâi, chìⁿ mā í-keng an hó-sè. Lí ēng kang-hô pun-khui tāi-tōe.

¹⁰ Soaⁿ-niá khòaⁿ-tio̍h lí lóng kiaⁿ-hiâⁿ; tōa-chúi chhiong--kè, chhim-ian chhut tōa-siaⁿ, tōa-éng chhèng-koân.

¹¹ Lí ê chìⁿ siā-chhut kng, lí ê chhiuⁿ iām-iām-sih, ji̍t kap ge̍h soah thêng tī goân-ūi.

¹² Lí hoat siū-khì piàn-kiâⁿ choân-tōe; lí tōa siū-khì thún-ta̍h lia̍t-kok.

¹³ Lí chhut-lâi beh kái-kiù lí ê chú-bîn, chín-kiù lí soán-li̍p ê ông. Lí thiah-húi pháiⁿ-lâng ê chhù-téng, thiah kah liân tōe-ki to lō͘-hiān.

¹⁴ Lí ēng chhiuⁿ chha̍k-thàng in ê chiàn-sū ê thâu; in lâi chhin-chhiūⁿ pō-hong kā góa chhe-cháu; in ài tī àm-tiong thun-chia̍h khùn-khó͘-lâng.

¹⁵ Lí khiâ-bé chhiong-kè tōa-hái, hō͘ hái-chúi ká-kún giâ-éng.

¹⁶ Góa chi̍t-ē thiaⁿ--tio̍h, kui seng-khu phi̍h-phi̍h-chhoah; hit-ê siaⁿ hō͘ góa ê chhùi-tûn gi̍h-gi̍h-chùn, kut-thâu so͘--khì, kha khiā bōe tiâu. Góa kan-ta ōe-tàng tiām-tiām-á thèng-hāu kong-kek goán ê lâng tú-tio̍h chai-lān ê ji̍t lâi-lîm.

¹⁷ Sui-jiân bû-hoa-kó-chhiū bô puh-íⁿ, phû-tô-chhiū bô kiat ké-chí, kaⁿ-ná-chhiū bô siu-sêng, chhân-hn̂g bô chhut ngó͘-kok, tiâu-lāi bô pòaⁿ-chiah iûⁿ, gû-tiâu mā bô gû,

¹⁸ góa iáu-kú beh in-ūi Siōng Chú lâi hoaⁿ-hí, in-ūi kiù góa ê Siōng-tè lâi khoài-lo̍k.

¹⁹ Chì-koân ê Siōng Chú sī góa ê khùi-la̍t; I hō͘ góa ê kha chhin-chhiūⁿ lo̍k-bú gâu cháu, hō͘ góa tī koân ê só͘-chāi kha-pō͘ an-ún. Kau hō͘ sèng-ga̍k-tiúⁿ, ēng hiân-ga̍k phōaⁿ-chàu.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan