Bìoball air-loidhne

Hap-pa-kok-su 2 - 現代台語譯本羅馬字版

Siōng Chú Hôe-tap

¹ Góa beh peh-chiūⁿ siú-bōng-tâi, khiā tī pó-lúi téng koan-khòaⁿ, thèng-hāu Siōng Chú tùi góa kóng sím-mi̍h, khòaⁿ I beh án-chóaⁿ ìn-tap góa ê bâi-oàn.

² Siōng Chú ìn góa kóng, “Chiong chit-ê khé-sī siá--lo̍h-lâi, chheng-chhó khek tī pán--ni̍h, hō͘ lâng chi̍t-ē khòaⁿ chiū bêng-pe̍k.

³ Chit-ê khé-sī teh thèng-hāu chí-tēng ê sî-kan; sî-kan chi̍t-ē kàu, só͘ kóng ê kiat-kio̍k chiū ōe si̍t-hiān. Chí-tēng ê sî-kan sui-jiân kám-kak khah bān, iáu-kú tio̍h tán, in-ūi it-tēng ōe lâi, bōe iân-tî.

⁴ Lí khòaⁿ, sim bô chèng-ti̍t ê lâng chū-ko chū-tāi, m̄-kú gī ê lâng ōe tùi sìn lâi oa̍h.”

Put-gī ê Kiat-kio̍k

⁵ Châi-hù ōe bê-he̍k lâng, hō͘ lâng kiau-ngō͘, tham-io̍k chhin-chhiūⁿ Im-hú thūn bōe tīⁿ; i ê sim chhin-chhiūⁿ sí-bông bōe boán-chiok, siūⁿ-beh cheng-ho̍k bān-kok, hō͘ bān-bîn lóng kui-sūn i.

⁶ Siū cheng-ho̍k ê lâng ōe ēng sio̍k-gú phì-jū kā i ki-chhì phì-siùⁿ kóng, “Lí chhám ah! Lí tún-chek thau-the̍h--lâi ê mi̍h-kiāⁿ, ēng pa̍t-lâng ê tí-ah thàn tōa chîⁿ, lí chòe chit-khoán pháiⁿ-tāi beh kàu tī-sî?”

⁷ Hō͘ lí pak-siah ê lâng kiám bōe hut-jiân heng-khí? In kiám bōe heng-ōng hō͘ lí phi̍h-phi̍h-chhoah? Hit-sî lí ōe pìⁿ-chòe in ê la̍h-bu̍t.

⁸ Lí ū chhiúⁿ-kiap chin chōe kok-ka, lia̍t-kok tiong só͘ chhun ê lâng mā ōe kā lí chhiúⁿ; in-ūi lí ū lâu lâng ê huih, húi-bia̍t kéng-lāi ê siâⁿ-chhī kap lāi-bīn ê chū-bîn.

⁹ Ūi ka-kī ê ke chek-chū put-gī ê chîⁿ-châi, tī koân ê só͘-chāi choh-siū ǹg-bāng thoat-lī chai-lān, chit-khoán lâng chhám ah!

¹⁰ Lí kè-bô͘ beh húi-bia̍t chin chōe kok ê jîn-bîn, soah hō͘ lí ê ke siū thí-jio̍k, hāi-tio̍h ka-kī ê sìⁿ-miā,

¹¹ liân piah ê chio̍h to ōe âu-kiò, chhù ê niû mā ōe ìn-siaⁿ.

¹² Ēng thâi-lâng lâu-huih kiàn-chō siâⁿ, ēng chōe-kò kiàn-li̍p siâⁿ-chhī, chit-khoán lâng chhám ah!

¹³ Lí khòaⁿ, jîn-bîn lô-lo̍k tit--tio̍h-ê hō͘ hé sio--khì, lia̍t-kok thoa-bôa tit--tio̍h-ê lóng lo̍k-khong, che kiám m̄-sī Siōng Chú — Bān-kun ê Thóng-sòe ê chok-ûi?

¹⁴ Choân-tōe beh chhiong-móa tùi Siōng Chú êng-kng ê jīm-sek, chhin-chhiūⁿ chúi chhiong-móa hái-iûⁿ.

¹⁵ Hō͘ chhù-piⁿ lim-chiú, lim kah chùi-bâng-bâng, thang khòaⁿ in chhiah-sin-lō͘-thé, chit-khoán lâng chhám ah!

¹⁶ Lí tit--tio̍h-ê m̄-sī chun-êng, sī ke̍k-tōa ê lêng-jio̍k. Taⁿ ōaⁿ lí lim, lim kah tang-tó-sai-oai. Siōng Chú tōa siū-khì ê poe ōe lûn kàu lí hia, lí ê êng-kng ōe pìⁿ-chòe kiàn-siàu.

¹⁷ Lí ū tùi Lê-pa-lūn chòe hiong-pō ê sū, lí ōe siū khah-tōa ê hiong-pō; iá-siù tú--tio̍h ê húi-bia̍t, ōe hō͘ lí kiaⁿ-hiâⁿ. Lí it-tēng ōe siū pò-èng, in-ūi lí ū lâu lâng ê huih, húi-bia̍t kéng-lāi ê siâⁿ-chhī kap lāi-bīn ê chū-bîn.

¹⁸ Tiau-khek ê siōng sī lâng chō--ê, ū sím-mi̍h lī-ek? Chù-chō ê ngó͘-siōng kà lâng hu-ké, ū sím-mi̍h lō͘-ēng? Sai-hū óa-khò ka-kī só͘ chō--ê, i chō--ê put-kò sī bōe kóng-ōe ê ngó͘-siōng.

¹⁹ Tùi chhâ-thâu kóng “Chhíⁿ--khí-lâi”, tùi bōe kóng-ōe ê chio̍h-thâu kóng “Peh--khí-lâi”, chit-khoán lâng chhám ah! Ngó͘-siōng kiám ōe kà-sī lâng? Lí khòaⁿ, ngó͘-siōng put-kò sī ēng kim ēng gûn pau--ê, lāi-bīn lóng bô sìⁿ-miā.

²⁰ Siōng Chú tī I ê sèng-tiān, choân-tōe tī I ê bīn-chêng lóng tio̍h siok-chēng.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan