Bìoball air-loidhne

Bîn-sò͘-kì 36 - 現代台語譯本羅馬字版

Kè-sêng Ke-gia̍p ê Lú-chú Kiat-hun ê Tiâu-lē

¹ Iok-sek ê hō͘-tāi, Má-ná-se ê sun Má-kiat ê kiáⁿ, Ki-lia̍t chong-cho̍k ê cho̍k-tiúⁿ lâi kìⁿ Mô͘-se kap Í-sek-lia̍t-lâng ta̍k chong-cho̍k ê léng-siù,

² kóng, “Siōng Chú ū bēng-lēng góa ê chú ēng thiu-chhiam ê hong-sek pun thó͘-tōe hō͘ Í-sek-lia̍t-lâng chòe sán-gia̍p, góa ê chú mā chiàu Siōng Chú ê bēng-lēng chiong goán ê chhin-cho̍k Se-lô-hui-hap ê ke-gia̍p pun hō͘ i ê cha-bó͘-kiáⁿ.

³ M̄-kú in nā kè hō͘ Í-sek-lia̍t pa̍t chi-cho̍k ê lâng, in ê ke-gia̍p chiū ōe tùi goán chó͘-kong ê sán-gia̍p poah-kè hō͘ in ê tiōng-hu hit-pêng ê chi-cho̍k, án-ni goán thiu--tio̍h ê sán-gia̍p chiū ōe kiám-chió.

⁴ Kàu Í-sek-lia̍t-lâng Un-hūi ê Nî, chiah-ê cha-bó͘-kiáⁿ ê ke-gia̍p chiū ōe ke tī in ê tiōng-hu hit-pêng ê chi-cho̍k; goán chó͘-kong chi-cho̍k ê sán-gia̍p chiū kiám-chió.”

⁵ Mô͘-se chiàu Siōng Chú ê bēng-lēng tùi Í-sek-lia̍t-lâng kóng, “Iok-sek hō͘-tāi ê chi-cho̍k kóng-liáu ū-lí.

⁶ Koan-hē Se-lô-hui-hap ê cha-bó͘-kiáⁿ, Siōng Chú án-ni hoan-hù: In thang soán-te̍k in kah-ì ê lâng, m̄-kú tio̍h kè hō͘ kâng chi-cho̍k, kâng chong-cho̍k ê lâng.

⁷ Án-ni, Í-sek-lia̍t-lâng ê sán-gia̍p chiū bōe tùi chit-ê chi-cho̍k poah-khì hō͘ pa̍t-ê chi-cho̍k. Í-sek-lia̍t-lâng ta̍k-ê tio̍h siú-tiâu in ka-kī chó͘-sian chi-cho̍k ê sán-gia̍p.

⁸ Í-sek-lia̍t ta̍k chi-cho̍k só͘-ū kè-sêng sán-gia̍p ê lú-chú, tio̍h kè hō͘ kâng chi-cho̍k ê lâng, hō͘ Í-sek-lia̍t-lâng ōe-tàng kè-sêng in chó͘-sian ê sán-gia̍p.

⁹ Án-ni, sán-gia̍p chiah bōe tùi chit-cho̍k choán-khì pa̍t-ê chi-cho̍k; Í-sek-lia̍t ta̍k chi-cho̍k ê lâng tio̍h siú-tiâu in ka-kī ê sán-gia̍p.”

^10-11 Se-lô-hui-hap gō͘ ê cha-bó͘-kiáⁿ, Má-la, Tek-sat, Hat-la, Bi̍t-ka kap Ná-a, lóng chiàu Siōng Chú tùi Mô͘-se ê bēng-lēng chòe, kè hō͘ in ê chek-peh hiaⁿ-tī.

¹² In lóng kè hō͘ Iok-sek ê hō͘-tāi, Má-ná-se chi-cho̍k ê ka-têng; in ê ke-gia̍p lâu tī in lāu-pē ê chong-cho̍k lāi-bīn.

¹³ Í-siōng sī Siōng Chú tī Iok-tàn hô-piⁿ, Iâ-lī-ko tùi-bīn ê Mô͘-ap pêng-goân, thong-kè Mô͘-se hō͘ Í-sek-lia̍t-lâng ê bēng-lēng kap kui-lē.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan