Bìoball air-loidhne

A-mô͘-sū-su 8 - 現代台語譯本羅馬字版

Ké-chí ê Īⁿ-siōng

¹ Chì-koân ê Siōng Chú hō͘ góa khòaⁿ-kìⁿ chi̍t ê kéng-siōng: Góa khòaⁿ-kìⁿ chi̍t nâ joa̍h-thiⁿ ê ké-chí.

² Siōng-tè kóng, “A-mô͘-sū, lí khòaⁿ-kìⁿ sím-mi̍h?” Góa ìn kóng, “Góa khòaⁿ-kìⁿ chi̍t nâ joa̍h-thiⁿ ê ké-chí.” Siōng Chú chiū tùi góa kóng, “Góa ê chú-bîn Í-sek-lia̍t ê kiat-kio̍k í-keng kàu, góa bōe koh pàng in soah.”

³ Chì-koân ê Siōng Chú koh kóng, “Tī hit-ji̍t, kiong-tiān ê koa-siaⁿ ōe pìⁿ-chòe ai-khàu; ta̍k só͘-chāi lóng sī hiat-ka̍k ê sin-si, sì-kòe tiām-chih-chih.”

Siōng Chú ê Hêng-hoa̍t

⁴ Lín chiah-ê thún-ta̍h sàn-chhiah-lâng, châu-bia̍t khùn-khó͘-lâng ê lâng, tio̍h thiaⁿ!

⁵ Lín kóng, “Chhoe-it khah kín kè, goán thang bōe ngó͘-kok; An-hioh-ji̍t kín kiat-sok, goán thang khui-chhī bóe-bōe, thang ēng sòe ê táu, ēng bô sêng-si̍t ê chhìn-thûi, ēng khúi-chà ê thian-phêng pián lâng,

⁶ thang ēng gûn bóe sàn-chhiah-lâng, ēng chi̍t siang ôe ōaⁿ khùn-khó͘-lâng, chiong bái ê be̍h-á bōe hō͘ lâng.”

⁷ Siōng Chú chiam-tùi Í-sek-lia̍t ê kiau-ngō͘ li̍p-sè kóng, “In só͘ chòe ê it-chhè, góa éng-oán kì-tiâu-tiâu.

⁸ Chit-ê tōe kiám bōe in-ūi án-ni iô-choah, tòa tī hia ê lâng kiám bōe pi-ai? Chit-ê tōe ōe chhin-chhiūⁿ Nî-lô-hô tiòng--khí-lâi, chhin-chhiūⁿ Ai-ki̍p ê tōa-hô tiòng-koân kàng-kē.”

⁹ Chì-koân ê Siōng Chú kóng, “Tī hit-ji̍t, góa beh hō͘ ji̍t-thâu tī tiong-tàu lo̍h-soaⁿ, hō͘ tōe tī ji̍t--sî pìⁿ o͘-àm.

¹⁰ Góa beh hō͘ lín ê choeh-khèng pìⁿ-chòe pi-ai, koa-khek pìⁿ-chòe ai-ko. Góa beh hō͘ lín chhēng môa-saⁿ, thâu thì-kng-kng; hō͘ lín pi-siong chhin-chhiūⁿ sí ko͘-kiáⁿ, chòe-āu kui-mî kui-ji̍t lóng thòng-khó͘.”

¹¹ Chì-koân ê Siōng Chú koh kóng, “Khòaⁿ leh, ji̍t-chí teh-beh kàu, góa beh hō͘ ki-hng lîm-kàu chit só͘-chāi; ki-hng m̄-sī in-ūi bô mi̍h thang chia̍h, chhùi-ta m̄-sī bô chúi thang lim, sī in-ūi bô Siōng Chú ê ōe thang thiaⁿ.

¹² In chông-lâi-chông-khì, tùi lâm kàu pak, tùi tang kàu sai, sì-kòe chhē Siōng Chú ê ōe, m̄-kú chhē lóng bô.

¹³ Tī hit-ji̍t, liân súi ê siàu-lú kap ióng-chòng ê siàu-liân-lâng to ōe in-ūi chhùi-ta hūn--khì.

¹⁴ Hiah-ê kí Sat-má-lī-a ê ngó͘-siōng chiù-chōa ê lâng, kóng ‘Tān, lí ê sîn-bêng sī oa̍h--ê’, á-sī kóng ‘Pia̍t-sī-pa ê sîn-bêng ū lêng-siàⁿ’ ê lâng, in lóng ōe tó--lo̍h-khì, éng-oán bōe koh khí--lâi.”

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan