Bìoball air-loidhne

A-mô͘-sū-su 2 - 現代台語譯本羅馬字版

Tùi Mô͘-ap

¹ Siōng Chú án-ni kóng, “Mô͘-ap-lâng chi̍t-piàn koh chi̍t-piàn hoān-chōe, góa it-tēng beh hêng-hoa̍t in; in-ūi in chiong Í-tong-ông ê kut-thâu sio kah pìⁿ hé-hu.

² Góa beh pàng-hé sio Mô͘-ap, sio-húi Ka-lio̍k ê kiong-tiān; Mô͘-ap ōe tī hōa-hōa-háu hoah-hiàm pûn sàu-kak ê tiong-kan sí-bông.

³ Góa ōe chiong Mô͘-ap ê thóng-tī-chiá chhú-sí, thâi-sí ông kap i só͘-ū ê koaⁿ-oân.” Siōng Chú án-ni soan-kò.

Tùi Iû-tāi

⁴ Siōng Chú án-ni kóng, “Iû-tāi-lâng chi̍t-piàn koh chi̍t-piàn hoān-chōe, góa it-tēng beh hêng-hoa̍t in; in-ūi in kū-choa̍t Siōng Chú ê lu̍t-hoat, bô siú I ê kui-lē; in tè in ê chó͘-sian pài ké-sîn, siū ín-iú kiâⁿ bê-lō͘.

⁵ Só͘-í góa beh pàng-hé sio Iû-tāi, sio-húi Iâ-lō͘-sat-léng ê kiong-tiān.”

Siōng-tè Sím-phòaⁿ Pak-kok Í-sek-lia̍t

⁶ Siōng Chú án-ni kóng, “Í-sek-lia̍t-lâng chi̍t-piàn koh chi̍t-piàn hoān-chōe, góa it-tēng beh hêng-hoa̍t in; in-ūi in ūi-tio̍h gûn chhut-bōe gī-lâng, ūi-tio̍h chi̍t siang ôe bōe sàn-chhiah-lâng.

⁷ In thún-ta̍h sàn-chhiah-lâng ê thâu-khak, chhin-chhiūⁿ teh ta̍h thô͘-hún; in pak-toa̍t khùn-khó͘-lâng ê koân-lī; lāu-pē kap kiáⁿ kong-ke chi̍t ê siàu-lú, tì-kàu siat-to̍k góa ê sèng-miâ.

⁸ In tī ta̍k-ê chè-tôaⁿ piⁿ, ēng sàn-chhiah-lâng the̍h-lâi tí-ah ê gōa-saⁿ chòe chhn̂g-kun; tī in ê Siōng-tè ê tiān, lim pak-siah tit--tio̍h ê chîⁿ bóe ê chiú.

⁹ Góa bat tī in bīn-chêng tû-bia̍t A-mô͘-lī-lâng; hiah-ê lâng koân-tōa chhin-chhiūⁿ pek-hiuⁿ-chhiū, ióng-chòng chhin-chhiūⁿ siōng-chhiū; chóng-sī góa húi-tiāu in téng-bīn ê ké-chí, chām-tn̄g in ē-bīn ê kun.

¹⁰ Góa mā ū tòa lín tùi Ai-ki̍p-tōe chhut--lâi, sì-cha̍p nî kú chhōa lín keng-kè khòng-iá, hō͘ lín tit-tio̍h A-mô͘-lī-lâng ê tōe chòe sán-gia̍p.

¹¹ Góa tùi lín ê kiáⁿ-sun tiong-kan kéng-soán sian-ti, koh tùi lín ê siàu-liân-lâng tiong-kan soán-li̍p Ná-sè-ní-lâng. Í-sek-lia̍t-lâng ah, kiám m̄-sī án-ni?” Siōng Chú án-ni soan-kò.

¹² “M̄-kú lín hō͘ Ná-sè-ní-lâng lim-chiú, kìm-chí sian-ti thoân-ta̍t Siōng-tè ê ōe.

¹³ Só͘-í, góa beh kā lín chhi̍h tī thô͘-kha, chhin-chhiūⁿ chài-móa be̍h-khún ê chhia kā lín teh kah bōe tín-tāng.

¹⁴ Tô-miā--ê cháu bōe lī, ióng-chòng--ê sit-khì khùi-la̍t, ióng-sū mā bōe-tàng kiù ka-kī;

¹⁵ siā-chìⁿ--ê khiā bōe chāi, kha kín--ê cháu bōe hù, khiâ-bé--ê mā bōe-tàng kiù ka-kī ê sìⁿ-miā.

¹⁶ Tī hit-ji̍t, liân siōng ióng-kám ê chiàn-sū mā ōe pàng-sak bú-khì tô-cháu.” Siōng Chú án-ni soan-kò.

« Roimhe

Air adhart »

The Bible Society in Taiwan

Bible Society in Taiwan

Lean sinn:

Ceanglaichean taic

Sanasan