Si-phian 99 - 現代台語譯本漢字版

尊崇至聖的上帝

¹ 上主作王，萬民愕愕惙； 伊坐佇天使基路伯寶座頂，大地搖動。

² 上主佇錫安作大； 伊受萬民尊崇。

³ 願𪜶稱讚伊偉大通驚畏的名。 伊是至聖！

⁴ 有大權力的王啊，你意愛正直； 你建立公平， 佇以色列施行正直公義。

⁵ 著尊崇上主 — 咱的上帝， 佇伊腳砧的頭前跪拜； 伊是至聖！

⁶ 佇伊的祭司中有摩西及亞倫； 佇求叫伊的名的人中間有撒母耳； 𪜶求叫上主，伊有應答。

⁷ 伊佇雲柱中對𪜶講話； 𪜶遵守伊頒布的誡命及規例。

⁸ 上主 — 阮的上帝啊，你有應答𪜶； 雖然你有照𪜶的所做給𪜶報應， 猶久你是赦免𪜶的上帝。

⁹ 著尊崇上主 — 咱的上帝， 佇伊的聖山跪拜。 上主 — 咱的上帝至聖！